ಹಾಂಗ್ ಕಾಂಗ್ ಓಪನ್ ಬ್ಯಾಡ್ಮಿಂಟನ್ ನಲ್ಲಿ ಪಿ.ವಿ. ಸಿಂಧು, ಸೈನಾ ನೆಹ್ವಾಲ್ ಕ್ವಾರ್ಟರ್ ಫೈನಲ್ ಗೆ

ಹಾಂಗ್ ಕಾಂಗ್: ಭಾರತ ಖ್ಯಾತ ಬ್ಯಾಡ್ಮಿಂಟನ್ ತಾರೆಯರಾದ ಪಿ.ವಿ.ಸಿಂಧು ಮತ್ತು ಸೈನಾ ನೆಹ್ವಾಲ್ ಹಾಂಗ್ ಕಾಂಗ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಗೇರಿದ್ದಾರೆ.

ಪ್ರಿ ಕ್ವಾರ್ಟರ್ ಫೈನಲ್ ನಲ್ಲಿ ಎರಡು ಪ್ರತ್ಯೇಕ ಪಂದ್ಯಗಳಲ್ಲಿ ಈ ಇಬ್ಬರೂ ಆಟಗಾರರು ಜಯ ಗಳಿಸಿದ್ದಾರೆ.  ಕಳೆದ ವಾರ ಚೀನಾ ಓಪನ್ ಗೆದ್ದಿದ್ದ ಸಿಂಧು ಚೀನಾದ ತೈಪೆ ಹ್ಸು ಯಾ ಚಿಂಗ್ ಅವರನ್ನು 21-10, 21-14 ಅಂತರದಿಂದ ಸೋಲಿಸಿದರು. ಮುಂದಿನ ಪಂದ್ಯದಲ್ಲಿ ಸಿಂಧು ಸಿಂಗಾಪುರದ ಕ್ಸಿಯಾಯು ಲಿಯಾಂಗ್ ಅವರನ್ನು ಎದುರಿಸಲಿದ್ದಾರೆ.

ಅತ್ತ ಗಾಯದಿಂದ ಚೇತರಿಸಿಕೊಂಡು ಎಂದಿನ ಆಟಕ್ಕೆ ಮರಳುತ್ತಿರುವ ಸೈನಾ ನೆಹ್ವಾಲ್ ಜಪಾನ್ ಸಯಾಕ್ ಸ್ಯಾಟೋ ಅವರನ್ನು 21-18, 9-21, 21-16 ಅಂತರದಿಂದ ಮಣಿಸಿದ್ದಾರೆ.  ಕ್ವಾರ್ಟರ್ ಫೈನಲ್ ನಲ್ಲಿ ಸೈನಾ ಹಾಂಗ್ ಕಾಂಗ್ ನ ಚ್ಯುಯೆಂಗ್ ನಾನ್ ಯಿ ಅವರ ಜತೆ ಸೆಣಸಲಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ