ಲೈಂಗಿಕ ದೌರ್ಜನ್ಯ: ರಿಯೋ ಗ್ರಾಮದಲ್ಲಿ ಮೊರಾಕ್ಕೊ ಬಾಕ್ಸರ್ ಅರೆಸ್ಟ್

ಬ್ರೆಜಿಲಿಯಾ ಪೊಲೀಸರು ಮೊರಾಕ್ಕೊದ ಒಲಿಂಪಿಕ್ ಬಾಕ್ಸರ್ ಹಸನ್ ಸಾದಾ ಎಂಬವನನ್ನು ಬಂಧಿಸಿದ್ದಾರೆ. ಅಥ್ಲೀಟ್ ಗ್ರಾಮದಲ್ಲಿ ತಂಗಿದ್ದಾಗ ಇಬ್ಬರು ಮಹಿಳಾ ಕ್ಲೀನರ್‌ ಮೇಲೆ ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ ಆರೋಪ ಹೊರಿಸಲಾಗಿದೆ. 

ಆಗಸ್ಟ್ 3 ರಂದು ಸಾದಾ ಕ್ಲೀನರ್‌ಗಳನ್ನು ಅವರನ್ನು ಏನನ್ನೋ ಕೇಳುವ ನೆಪದಿಂದ ಕೊಠಡಿಗೆ ಕರೆದು ಅವರ ಮೈಮೇಲೆ ಕೈಹಾಕಿ ಅಶ್ಲೀಲವಾಗಿ ವರ್ತಿಸಿದ್ದ. ಮಹಿಳೆಯರು ಅಲ್ಲಿಂದ ತಪ್ಪಿಸಿಕೊಂಡು ದೂರು ನೀಡಿದ್ದರು.

ಇನ್ನೂ ಇಬ್ಬರು ಅಥ್ಲೀಟ್‌ಗಳು ಕೊಠಡಿಯಲ್ಲಿದ್ದು ಈ ದೌರ್ಜನ್ಯಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲವೆಂದು ಹೇಳಲಾಗುತ್ತಿದೆ. 

ಸಾದಾ ಮೊರೊಕ್ಕೊದ ಯುವ ಚಾಂಪಿಯನ್ ಎಂದು ಎಐಬಿಎ ಪಟ್ಟಿಮಾಡಿದ್ದು, 81 ಕಿಗ್ರಾಂ ಲೈಟ್ ಹೆವಿವೇಟ್ ವಿಭಾಗದಲ್ಲಿ ಸ್ಪರ್ಧಿಸಬೇಕಿತ್ತು. ಸಾದಾ ತಮ್ಮ ಪ್ರಥಮ ಬೌಟ್‌ನಲ್ಲಿ ಟರ್ಕಿಯ ನಾಡಿರ್ ಉನಾಲ್ ಅವರ ವಿರುದ್ಧ ಹೋರಾಡಲು ನಿಗದಿಯಾಗಿತ್ತು.