ಅಹಮ್ಮದಾಬಾದ್: ಇಲ್ಲಿ ನಡೆಯುತ್ತಿರುವ ಕಬಡ್ಡಿ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಇಂದು ಸೆಮಿಫೈನಲ್ ಹಂತದ ಪಂದ್ಯಗಳು ನಡೆಯಲಿವೆ.
ಭಾರತ ಥಾಯ್ಲೆಂಡ್ ತಂಡವನ್ನು ಎದುರಿಸಲಿದೆ. ದ.ಕೊರಿಯಾ ಇರಾನ್ ತಂಡದ ವಿರುದ್ಧ ಸೆಣಸಾಡಲಿವೆ. ಇದುವರೆಗೆ ಆಡಿದ ಪಂದ್ಯದಲ್ಲಿ ಎಲ್ಲಾ ಪಂದ್ಯಗಳನ್ನು ಗೆದ್ದು ದ.ಕೊರಿಯಾ ಆತ್ಮವಿಶ್ವಾಸದಲ್ಲಿದ್ದರೆ, ಇನ್ನೊಂದು ಪಂದ್ಯದಲ್ಲಿ ಅತಿಥೇಯ ಭಾರತ ಸತತ ನಾಲ್ಕು ಪಂದ್ಯಗಳನ್ನು ಗೆದ್ದ ಉತ್ಸಾಹದಲ್ಲಿದೆ.
ಮೊದಲ ಸೆಮಿಫೈನಲ್ ದ.ಕೊರಿಯಾ ಮತ್ತು ಇರಾನ್ ನಡುವೆ ನಡೆಯಲಿದೆ. ಇದರಲ್ಲಿ ಕೊರಿಯಾ ತಂಡ ಫೇವರಿಟ್ ಅನಿಸಿಕೊಂಡಿದೆ. ಇದು ರಾತ್ರಿ 8 ಗಂಟೆಗೆ ಆರಂಭವಾಗಲಿದೆ. ಎರಡನೇ ಸೆಮಿಫೈನಲ್ ಪಂದ್ಯ 9 ಗಂಟೆಗೆ ಆರಂಭವಾಗಲಿದ್ದು, ಅತಿಥೇಯ ತಂಡಕ್ಕೆ ತವರಿನ ಬಲವಿದೆ. ಥಾಯ್ಲೆಂಡ್ ಕೂಡಾ ಭಾರತದಂತೆ ಮೊದಲ ಪಂದ್ಯದಲ್ಲಿ ಇರಾನ್ ವಿರುದ್ಧ ಸೋತು ಉಳಿದೆಲ್ಲಾ ಪಂದ್ಯಗಳನ್ನು ಗೆದ್ದು ಸಮಬಲದ ಪೈಪೋಟಿ ನೀಡುವ ನಿರೀಕ್ಷೆಯಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ