ಮತ್ತೆ ಭಾರತ ಏಷ್ಯಾ ಚಾಂಪಿಯನ್

ಮಲೇಷ್ಯಾ: ಇಲ್ಲಿ ನಡೆಯುತ್ತಿರುವ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ ಪಂದ್ಯಾವಳಿಯಲ್ಲಿ ಪಾಕಿಸ್ತಾನವನ್ನು ಮಣಿಸಿದ ಭಾರತ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.

ಸಾಂಪ್ರದಾಯಿಕ ಎದುರಾಳಿಯನ್ನು 3-2 ರಿಂದ ಸೋಲಿಸಿದ ಭಾರತ ಕಳೆದ ಬಾರಿಯ ಸೋಲಿಗೆ ಸೇಡು ತೀರಿಸಿಕೊಂಡಿದೆ. ದೇಶದ ಜನತೆಗೆ ದೀಪಾವಳಿ ಉಡುಗೊರೆ ನೀಡಿದೆ. ಭಾರತದ ಪರ ರೂಪಿಂದರ್ ಪಾಲ್ ಸಿಂಗ್, ಯೂಸಫ್ ಅಫಾನ್, ನಿಖಿನ್ ತಮ್ಮಯ್ಯ ಗೋಲು ಗಳಿಸಿದವರು.

2011 ರಲ್ಲಿ ಮೊದಲ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿಯಲ್ಲೂ ಭಾರತ ಪಾಕಿಸ್ತಾನವನ್ನು ಫೈನಲ್ ಪಂದ್ಯದಲ್ಲಿ ಮಣಿಸಿತ್ತು. 2013 ರಲ್ಲಿ ಜಪಾನ್ ಮಣಿಸಿ ಪಾಕಿಸ್ತಾನ ಚಾಂಪಿಯನ್ ಆಗಿತ್ತು.

ವಿಶೇಷವೆಂದರೆ ಈ ಪಂದ್ಯದಲ್ಲಿ ಕಳೆದ ಪಂದ್ಯದ ಹೀರೋ ಪಿ ಆರ್ ಶ್ರೀಜೇಶ್ ಗಾಯದ ಸಮಸ್ಯೆಯಿಂದ ಆಡಿರಲಿಲ್ಲ. ಇನ್ನೂ ಕೆಲವು ಆಟಗಾರರಿಗೆ ಗಾಯದಿಂದಾಗಿ ರೆಸ್ಟ್ ನೀಡಲಾಗಿತ್ತು. ಹಾಗಿದ್ದೂ ಭಾರತದ ಸಾಧನೆ ಮೆಚ್ಚುವಂತದ್ದು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ