ಮುಂಬೈ: ಅಮೀರ್ ಖಾನ್ ಅಭಿನಯದ ದಂಗಲ್ ಸಿನಿಮಾದಲ್ಲಿ ಗೀತಾ ಪೋಘಟ್ ಪಾತ್ರ ನಿರ್ವಹಿಸಿದ್ದ ವಾಸಿಂ ಝೈರಾ ಇತ್ತೀಚೆಗೆ ಕಾಶ್ಮೀರದಲ್ಲಿ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿಯವರನ್ನು ಭೇಟಿಯಾಗಿದ್ದಕ್ಕೆ ಸುದ್ದಿಯಾಗಿದ್ದಾರೆ.
ಇದೀಗ ಮತ್ತೊಮ್ಮೆ ಅವರ ಅಮ್ಮನ ಕಾರಣಕ್ಕೆ ಸುದ್ದಿಯಾಗಿದ್ದಾರೆ. ಆದರೆ ಹಿಂದೆ ವಾಸಿಂ ಬಗ್ಗೆ ಎಲ್ಲರೂ ಅನುಕಂಪ ವ್ಯಕ್ತಪಡಿಸಿದ್ದರಲ್ಲದೆ, ಆಕೆಯನ್ನು ವಿರೋಧಿಸಿದವರ ಬಗ್ಗೆ ಗಣ್ಯರೂ ಸೇರಿದಂತೆ ಭಾರತೀಯರು ಒಕ್ಕೊರಲಿನಿಂದ ಬೆಂಬಲ ನೀಡಿದ್ದರು.
ಆದರೆ ಈಗ ಆಕೆಯ ತಾಯಿಯ ನಿಜ ಬಣ್ಣ ಬಯಲಾಗಿದೆ. ಬೇರೆ ಯಾರೋ ಪಾಕಿಸ್ತಾನದ ಪರ ಮಾಡಿದ ಸಂದೇಶವನ್ನು ತನ್ನ ಸಾಮಾಜಿಕ ಜಾಲ ತಾಣದ ಪುಟದಲ್ಲಿ ಹಾಕಿ ವ್ಯಾಪಕ ಟೀಕೆಗೆ ಗುರಿಯಾಗಿದ್ದಾರೆ. ಶಾಂತಿಯಿಂದಿರಿ ಮತ್ತು ಭಾರತವನ್ನು ಸೋಲಿಸಿರಿ ಎಂಬ ಸಂದೇಶವನ್ನು ಅವರು ಮರು ಪ್ರಕಟಿಸಿದ್ದಾರೆ. ಇದು ಭಾರತೀಯರ ಸಿಟ್ಟಿಗೆ ಕಾರಣವಾಗಿದೆ. ವಾಸಿಂ ತಾಯಿಯ ನಿಜ ಬಣ್ಣ ಈಗ ಬಯಲಾಗಿದೆ ಎಂದಿರುವ ಟ್ವೀಟಿಗರು ಆಕೆಯನ್ನು ಹಿಗ್ಗಾ ಮುಗ್ಗಾ ಜಾಡಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ