ಹಾಂಗ್ ಕಾಂಗ್ ಓಪನ್ ಬ್ಯಾಡ್ಮಿಂಟನ್ : ಪ್ರಿ ಕ್ವಾರ್ಟರ್ ಫೈನಲ್ ತಲುಪಿದ ಸೈನಾ ನೆಹ್ವಾಲ್

ಹಾಂಗ್ ಕಾಂಗ್ : ಚೀನಾ ಓಪನ್ ನಲ್ಲಿ ಮೊದಲ ಸುತ್ತಿನಲ್ಲೇ ಸೋತು ನಿರಾಸೆ ಮೂಡಿಸಿದ್ದ ಭಾರತ ಹಿರಿಯ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಹಾಂಗ್ ಕಾಂಗ್ ಓಪನ್ ಬ್ಯಾಡ್ಮಿಂಟನ್ ಕೂಟದ ಮೊದಲ ಸುತ್ತಿನಲ್ಲಿ ಜಯ ಗಳಿಸಿ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಥ್ಯಾಲೆಂಡ್ ನ ಪ್ರಾಂಟಿಪ್ ಬುರಾನಪ್ರಸರ್ಟ್ ಸಕ್ ವಿರುದ್ಧ ಸೈನಾ 12-21, 21-19,21-17 ಅಂತರದಿಂದ ಗೆದ್ದಿದ್ದಾರೆ. ವಿಶೇಷವೆಂದರೆ ವಾರದ ಹಿಂದೆ ಚೀನಾ ಓಪನ್ ನಲ್ಲಿ ಇದೇ ಎದುರಾಳಿಯ ವಿರುದ್ಧ ಸೈನಾ ಸೋತಿದ್ದರು.

ಪ್ರಾಂಟಿಪ್ ವಿರುದ್ಧ ಮೊದಲ ಸೆಟ್ 12-21 ರಿಂದ ಸೋತರೂ, ಎರಡನೇ ಸೆಟ್ ನಲ್ಲಿ ತಮ್ಮ ಅನುಭವದ ಧಾರೆಯೆರೆದ ಸೈನಾ ಭರ್ಜರಿಯಾಗಿ ಆಟಕ್ಕೆ ಮರಳಿದರು. ಉಳಿದೆರಡೂ ಸೆಟ್ ಗಳನ್ನು ತಮ್ಮದಾಗಿಸಿಕೊಂಡರು.  ಇನ್ನೊಬ್ಬ ಭಾರತೀಯ ತಾರೆ ಚೀನಾ ಓಪನ್ ವಿಜೇತೆ ಪಿ.ವಿ.ಸಿಂಧು ಕೂಡಾ ಸ್ಪರ್ಧೆಯಲ್ಲಿದ್ದು, ಅವರ ಪಂದ್ಯ ಇನ್ನೂ ನಡೆಯಬೇಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ