ಭಾರತ ಮತ್ತು ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ ಅಧ್ಯಕ್ಷರ ಇಲೆವನ್ ನಡುವೆ ಎರಡು ದಿನಗಳ ಅಭ್ಯಾಸ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ದಿನದಾಟ ಮುಗಿದಾಗ 7 ವಿಕೆಟ್‌ಗೆ 281 ರನ್ ಗಳಿಸಿ ಪಂದ್ಯ ಡ್ರಾನಲ್ಲಿ ಮುಕ್ತಾಯ ಕಂಡಿದೆ. ಮೊದಲ ದಿನ ಪ್ರವಾಸಿ ತಂಡ ಭಾರತ 258ಕ್ಕೆ 6 ವಿಕೆಟ್ ಕಳೆದುಕೊಂಡು ಡಿಕ್ಲೇರ್ ಘೋಷಿಸಿತು. ಎರಡನೇ ದಿನ ಅಧ್ಯಕ್ಷರ ಇಲೆವನ್ ಪರ ಶಾಯ್ ಹೋಪ್( 118 ನಾಟೌಟ್) ಅಜೇಯ ಶತಕ ಬಾರಿಸಿದ್ದು ಅದರಲ್ಲಿ 15 ಬೌಂಡರಿಗಳು ಸೇರಿದ್ದವು.
ಆರಂಭಿಕ ಆಟಗಾರ ರಾಜೇಂದ್ರ ಚಂದ್ರಿಕಾ ಅಮೂಲ್ಯ 69 ರನ್ ಸ್ಕೋರ್ ಮಾಡಿದರೆ ಹೋಪ್ ಅವರೊಂದಿಗೆ ಎರಡನೇ ವಿಕೆಟ್‌ಗೆ 122 ರನ್ ಜತೆಯಾಟವಾಡಿದರು. ಭಾರತದ ವೇಗಿಗಳಾದ ಭುವನೇಶ್ವರ್ ಕುಮಾರ್, ಉಮೇಶ್ ಯಾದವ್ ಮತ್ತು ಶಮಿ ತಲಾ ಒಂದು ವಿಕೆಟ್ ಗಳಿಸಿದರೂ ಕೂಡ ವಿರಾಟ್ ಕೊಹ್ಲಿ ಲೆಗ್ ಸ್ಪಿನ್ನರ್ ಅಮಿತ್ ಮಿಶ್ರಾ ಅವರನ್ನು ಬೌಲಿಂಗ್‌ಗೆ ಇಳಿಸಿದಾಗ ಪಂದ್ಯ ತಿರುವು ಪಡೆಯಿತು. ಮಿಶ್ರಾ 27 ಓವರುಗಳಲ್ಲಿ 4 ವಿಕೆಟ್ ಕಬಳಿಸಿ, ಕೇವಲ 67 ರನ್ ಕೊಟ್ಟರು.
ಜೊಮೆಲ್ ವಾರಿಕನ್ ಅರ್ಧಶತಕ ಗಳಿಸಿರದಿದ್ದರೆ ಸ್ವದೇಶಿ ತಂಡ ಬೌಲ್ಡ್ ಔಟ್ ಆಗುವ ಸಾಧ್ಯತೆಯಿತ್ತು. ಇದು ಅಧ್ಯಕ್ಷರ ಇಲೆವನನ್ ಭಾರತದ ಸ್ಕೋರನ್ನು ದಾಟಿ ಸಾಗಲು ನೆರವಾಯಿತು. ಜುಲೈ 14ರಿಂದ 16ರವರೆಗೆ ಎರಡು ತಂಡಗಳು ಇನ್ನೊಂದು ಅಭ್ಯಾಸ ಪಂದ್ಯವನ್ನು ಆಡಲಿದೆ.
ಸ್ಕೋರು ವಿವರ
ಭಾರತ ಮೊದಲ ಇನ್ನಿಂಗ್ಸ್: 258ಕ್ಕೆ 6 ವಿಕೆಟ್ ಡಿಕ್ಲೇರ್ಡ್
ಲೋಕೇಶ್ ರಾಹುಲ್ ರಿಟೈರ್ಡ್ ಔಟ್ 50, ಶಿಖರ್ ಧವನ್ ರಿಟೈರ್ಡ್ ಔಟ್ 51, ವಿರಾಟ್ ಕೊಹ್ಲಿ 14, ರೋಹಿತ್ ಶರ್ಮಾ 54.