ನವದೆಹಲಿ: ಚೀನಾ ಓಪನ್ ವಿಜೇತೆ ಪಿ.ವಿ. ಸಿಂಧುಗೆ ಇದು ಸುಗ್ಗಿ ಕಾಲ. ಆದರೆ ಸೈನಾ ನೆಹ್ವಾಲ್ ಗೆ ಯಾಕೋ ಗ್ರಹಣ ಬಿಡುವಂತೆ ಕಾಣುತ್ತಿಲ್ಲ. ಪ್ರತಿಷ್ಠಿತ ವಿಶ್ವ ಸೂಪರ್ ಸೀರೀಸ್ ನ ಫೈನಲ್ ಗೆ ಸಿಂಧು ಅರ್ಹತೆ ಗಿಟ್ಟಿಸಿಕೊಂಡಿದ್ದರೆ ಇನ್ನೊಬ್ಬ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಅರ್ಹತೆ ಪಡೆಯಲು ವಿಫಲರಾಗಿದ್ದಾರೆ.
ಡಿಸೆಂಬರ್ 14 ರಿಂದ 18 ರವರೆಗೆ ದುಬೈನಲ್ಲಿ ಈ ಪ್ರತಿಷ್ಠಿತ ಟೂರ್ನಿ ನಡೆಯಲಿದೆ. ಈ ಕೂಟದಲ್ಲಿ 8 ಸಿಂಗಲ್ಸ್ ಜೋಡಿಗೆ ಮಾತ್ರ ಅವಕಾಶ. ಅವರಲ್ಲಿ ಸಿಂಧು ಕೂಡಾ ಒಬ್ಬರು ಎನ್ನುವುದು ಭಾರತಕ್ಕೆ ಹೆಮ್ಮೆಯ ವಿಷಯ. ಕಳೆದ ಹಾಂಗ್ ಕಾಂಗ್ ಓಪನ್ ಸೀರೀಸ್ ನಲ್ಲಿ ರನ್ನರ್ ಅಪ್ ಪ್ರಶಸ್ತಿ ಸಾಧನೆಯ ಆಧಾರದಲ್ಲಿ ಸಿಂಧುಗೆ ಈ ಅವಕಾಶ ಸಿಕ್ಕಿದೆ.
ಕಳೆದ ಎರಡು ಸೂಪರ್ ಸೀರೀಸ್ ಗಳಲ್ಲಿ ಗಮನಾರ್ಹ ಪ್ರದರ್ಶನ ನೀಡಲು ವಿಫಲರಾದ ಹಿನ್ನಲೆಯಲ್ಲಿ ಸೈನಾ ಅರ್ಹತೆ ಕಳೆದುಕೊಂಡಿದ್ದಾರೆ. ಕಳೆದೊಂದು ವರ್ಷದಿಂದ ಸೈನಾ ನೆಹ್ವಾಲ್ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ