ಒಲಂಗಾಗೆ ಸಚಿನ್ ಪಾಠ ಕಲಿಸಿದ ರೀತಿಯೇ ವಿರಾಟ್ ಕೊಹ್ಲಿ ಸಹ ಪಾಠ ಕಲಿಸ್ತಾರಾ..?

ಅದು 90ರ ದಶಕ ಭಾರತೀಯ ಕ್ರಿಕೆಟ್ ಎಂದರೆ ಸಚಿನ್.. ಸಚಿನ್ ಎಂದರೆ ಭಾರತೀಯ ಕ್ರಿಕೆಟ್ ಎಂಬಂತಿದ್ದ ಕಾಲ. ಯಾವುದೇ ತಂಡವಾದರದರೂ ಸಚಿನ್ ಔಟ್ ಮಾಡುವ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುತ್ತಿದ್ದರು. ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಬೌಲರ್ ಹೆನ್ರಿ ಒಲಂಗಾ ಸಚಿನ್`ಗೆ ಬೌನ್ಸರ್ ಹಾಕಿ ಔಟ್ ಮಾಡಿದ್ದರು. ಅಂಪೈರ್ ನೋ ಬಾಲ್ ಕೊಡಲಿಲ್ಲ. ಒಲಂಗಾ ಸಂಭ್ರಮದ ಹೆಸರಲ್ಲಿ ಸಚಿನ್`ಗೆ ಮುಜುಗರ ಹುಟ್ಟಿಸಿದು. ಕೋಪಗೊಂಡ ಸಚಿನ್ ಏನನ್ನೂ ಮಾತನಾಡದೇ ಪೆವಿಲಿಯನ್`ಗೆ ತೆರಳಿದರು.

2ನೇ ಪಂದ್ಯದಲ್ಲೂ ಒಲಂಗಾ ಕಪಿಚೇಷ್ಟೇ ಮುಂದುವರೆದಿತ್ತು. ಸಚಿನ್ ಜೊತೆ ಬ್ಯಾಟ್ ಮಾಡುತ್ತಿದ್ದ ಗಂಗೂಲಿ ಸಹ ಸಿಂಗಲ್ ಪಡೆಯದೇ ಸಚಿನ್ ಒಲಂಗಾ ಎಸೆತಗಳನ್ನ ಎದುರಿಸುವಂತೆ ನೋಡಿಕೊಂಡರು. ಅಹಂಕಾರಿ ಒಲಂಗಾಗೆ ಬ್ಯಾಟ್ ಮೂಲಕವೇ ಉತ್ತರಿಸಿದ ಸಚಿನ್ ಬೌಂಡರಿ, ಸಿಕ್ಸರ್`ಗಳನ್ನ ಸಿಡಿಸಿ ಗರ್ವಭಂಗ ಮಾಡಿದ್ದರು.

ಇದೀಗ, ವಿರಾಟ್ ಕೊಹ್ಲಿ ಜಮಾನ. ಅಂದು ಸಚಿನ್`ಗೆ ಹಾಕಿದ ರೀತಿಯೇ ಇಂದು ವಿರಾಟ್ ಕೊಹ್ಲಿಗೆ ಬೌಲರ್`ಗಳು ಸವಾಲ್ ಹಾಕುತ್ತಿದ್ದಾರೆ. 3 ಬಾರಿ ವಿರಾಟ್ ಕೊಹ್ಲಿಯನ್ನ ಔಟ್ ಮಾಡಿರುವ ಪಾಕಿಸ್ತಾನದ ಜುನೈದ್ ಖಾನ್ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಮತ್ತೆ ಸವಾಲು ಹಾಕಿದ್ದಾನೆ. ಅಂದು ಸಚಿನ್ ತೆಂಡೂಲ್ಕರ್ ತಮ್ಮ ಬ್ಯಾಟ್`ನಿಂದ ಒಲಂಗಾಗೆ ಬುದ್ಧಿ ಕಲಿಸಿದ ರೀತಿಯೇ ಕೊಹ್ಲಿ ಸಹ ಜುನೈದ್`ಗೆ ಪಾಠ ಕಲಿಸುತ್ತಾರಾ ಎಂಬುದು ಅಭಿಮಾನಿಗಳ ನಿರೀಕ್ಷೆಯಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ