ಏಷ್ಯನ್ 6-ರೆಡ್ ಸ್ನೂಕರ್ ಪ್ರಶಸ್ತಿಯನ್ನು ಗೆದ್ದುಕೊಂಡ ಪಂಕಜ್ ಅಡ್ವಾಣಿ

ಭಾರತದ ಖ್ಯಾತ ಸ್ನೂಕರ್ ಆಟಗಾರ ಪಂಕಜ್ ಅಡ್ವಾಣಿ ಏಷ್ಯನ್ 6-ರೆಡ್ ಸ್ನೂಕರ್ ಪ್ರಶಸ್ತಿ ಗೆಲ್ಲುವ ಮೂಲಕ ಚಾರಿತ್ರಿಕ ಸಾಧನೆ ಮಾಡಿದ್ದಾರೆ. ವಿಶ್ವ ಮತ್ತು ಏಷ್ಯನ್ 6-ರೆಡ್ ಸ್ನೂಕರ್ ಪ್ರಶಸ್ತಿಗಳನ್ನು ಗೆದ್ದ ಏಕಮಾತ್ರ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಎರಡು ಬಾರಿಯ ಐಬಿಎಸ್‌ಎಫ್ ವಿಶ್ವ 6-ರೆಡ್ ಸ್ನೂಕರ್ ಚಾಂಪಿಯನ್ ಕಿರುಸ್ವರೂಪದ ಆಟದಲ್ಲಿ ಟಾಪ್ ಸೀಡ್ ಮಲೇಷ್ಯಾದ ಕೀನ್ ಹೋ ಮೊಹ್ ಅವರನ್ನು ಭಾನುವಾರ ರಾತ್ರಿ 7-5ರಿಂದ ಗೆದ್ದಿದ್ದಾರೆ.

 ಭಾರತದವರೇ ಆದ ಆದಿತ್ಯ ಮೆಹ್ತಾ ವಿರುದ್ದ 6-1ರಲ್ಲಿ ಸೆಮಿಫೈನಲ್ ಜಯಗಳಿಸಿದ ಅಡ್ವಾಣಿ ಮೊದಲ ಫ್ರೇಂನಲ್ಲಿ ಚುರುಕಿನ ಆಟವಾಡಿ 39-4ರಲ್ಲಿ ಗೆಲುವು ಗಳಿಸಿದರು. ಎರಡನೇ ಫ್ರೇಮಿನಲ್ಲಿ 6-51ರಿಂದ ಸೋತು ನಿರಾಸೆ ಮೂಡಿಸಿದರೂ ಮೂರನೇ ಫ್ರೇಂ ಅನ್ನು 40-14ರಿಂದ ಗೆದ್ದುಕೊಂಡು ನಾಲ್ಕನೇ ಫ್ರೇಂ 37-0ಯಲ್ಲಿ ಸೋತರು. 5 ಮತ್ತು 6ನೇ ಫ್ರೇಮನ್ನು 41-7ಮತ್ತು 44-8ರಿಂದ ಕ್ರಮವಾಗಿ ಗೆದ್ದುಕೊಂಡರು.ಅಡ್ವಾಣಿ ಕೊನೆಯ ಫ್ರೇಮನ್ನು 53-24ರಿಂದ ಗೆದ್ದು, ಪ್ರಶಸ್ತಿಯನ್ನು 7-5 ರಿಂದ ಬಾಚಿಕೊಂಡರು. 

ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.