2015 ರಲ್ಲಿ ನಡೆಯಲಿರುವ 5ನೇ ಎಎಫ್ಸಿ ವೈದ್ಯಕೀಯ ಸಮ್ಮೇಳನದ ಆತಿಥ್ಯವನ್ನು ಭಾರತ ವಹಿಸಿಕೊಂಡಿದೆ. ಆಯೋಜಕರು ಇಂದು ಈ ವಿಷಯವನ್ನು ಬಹಿರಂಗ ಪಡಿಸಿದ್ದಾರೆ.
ಈ ಸಮ್ಮೇಳನದಲ್ಲಿ ದೇಶದ ಜನರಿಗೆ ಪುಟ್ಬಾಲ್ ಆಟದ ಹಿಂದಿರುವ ವೈದ್ಯಕೀಯ ವಿಜ್ಞಾನದ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಜ್ಞರು ನೀಡಲಿದ್ದಾರೆ. ಇದರಿಂದಾಗಿ ಫುಟ್ಬಾಲ್ ಆಟಗಾರರಿಗೆ ಹೆಚ್ಚಿನ ಮಾಹಿತಿ ದೊರೆಯಲಿದೆ ಎಂದು ಮೂಲಗಳು ತಿಳಿಸಿವೆ.
" ಮಲೇಷಿಯಾ, ಜಪಾನ್ ಮತ್ತು ಓಮನ್ ನಂತರ ಈಗ ಭಾರತದಲ್ಲಿ ಎಷ್ಯಾದ ಅತಿ ದೊಡ್ಡ ವೈದ್ಯಕೀಯ ಸಮ್ಮೆಳನ ಆಯೋಜಿಸುವ ಅವಕಾಶ ಈಗ ಭಾರತಕ್ಕೆ ದೊರೆತಿದೆ ಎಂದು ಎಎಫ್ಸಿ ವೈದ್ಯಕೀಯ ಸಮ್ಮೇಳನ ಮುಖ್ಯಸ್ಥ ಪಿಎಸ್ಎಮ್ ಚಂದ್ರನ್ ಹೇಳಿದ್ದಾರೆ
ಈ ಸಮ್ಮೇಳನ 2015 ರ ಎಪ್ರಿಲ್ ತಿಂಗಳಲ್ಲಿ 2ನೇ ಮತ್ತು 4ನೇ ದಿನದಂದು ನಡೆಯಲಿದೆ.