ಲಂಡನ್ ಒಲಿಂಪಿಕ್ಸ್ ಪಂದ್ಯಾವಳಿ ಮುಂದಿರುವಂತೆ ತಂಡದ ಆಟಗಾರರ ಮನೋಸ್ತೈರ್ಯವನ್ನು ಕುಂದಿಸುವ ಭಾರತೀಯ ಹಾಕಿ ತಂಡದ ಆಸ್ಟ್ರೇಲಿಯಾ ಕೋಚ್ ಮಿಚೈಲ್ ನೊಬ್ಸ್ ವಿರುದ್ಧ ಮಾಜಿ ಕೋಚ್ ರಾಜೀಂದರ್ ಸಿಂಗ್ ಟೀಕಿಸಿದ್ದಾರೆ.
ಲಂಡನ್ ಒಲಿಂಪಿಕ್ಸ್ಗೆ ಅರ್ಹತೆ ಪಡೆಯುವುದು ತುಂಬಾ ಕಷ್ಟ ಎಂದು ಕೋಚ್ ನೊಬ್ಸ್ ಹೇಳಿಕೆ ನೀಡಿ ತಂಡದ ಆಟಗಾರರ ಉತ್ಸಾಹವನ್ನು ಕುಗ್ಗಿಸುವುದು ಸರಿಯಲ್ಲ. ಇದರಿಂದ, ಭಾರತೀಯ ಒಲಿಂಪಿಕ್ ಅಸೋಸಿಯೇಶನ್ ಸಿದ್ಥತೆಗೆ ಅಡ್ಡಿಯಾಗುತ್ತದೆ. ತಮ್ಮದೇ ತಂಡದ ವಿರುದ್ಧ ಟೀಕಿಸುವುದು ಹೇಯ ಕೃತ್ಯ ಎಂದು ಕಿಡಿಕಾರಿದ್ದಾರೆ.
ರಾಷ್ಟ್ರೀಯ ಹಾಕಿ ತಂಡದ ಕೋಚ್ ಮಿಚೈಲ್ ನೊಬ್ಸ್ ಇಂತಹ ಹೇಳಿಕೆಗಳನ್ನು ನೀಡಬಾರದು. ಕ್ರೀಡಾ ಸಚಿವಾಲಯ ಕೋಚ್ ಹೇಳಿಕೆಯನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ಲಂಡನ್ ಒಲಿಂಪಿಕ್ಸ್ಗೆ ಅರ್ಹತೆ ಪಡೆಯುವುದು ತುಂಬಾ ಕಷ್ಟ ಎನ್ನುವದು ಗೊತ್ತಿದೆ. ಆದರೆ, ತಂಡವನ್ನು ಯಶಸ್ವಿನತ್ತ ಸಾಗಿಸುವುದು ಕೋಚ್ ಜವಾಬ್ದಾರಿಯಾಗಿದೆ ಎಂದು ತಿಳಿಸಿದ್ದಾರೆ.
ರಾಷ್ಟ್ರೀಯ ಹಾಕಿ ತಂಡದ ಕೋಚ್ ಆಗಿ ನೊಬ್ಸ್ ಅಧಿಕಾರ ಸ್ವೀಕರಿಸುತ್ತಿದ್ದಂತೆ, ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಪಂದ್ಯಾವಳಿಯಲ್ಲಿ ಜಯಭೇರಿ ಬಾರಿಸಿದ್ದರು. ಲಂಡನ್ ಒಲಿಂಪಿಕ್ಸ್ ಪಂದ್ಯಾವಳಿಯಲ್ಲಿ ಅರ್ಹತೆ ಪಡೆಯಲು ಭಾರತ ತಂಡ ತುಂಬಾ ದೂರ ಸಾಗಬೇಕಾಗುತ್ತದೆ ಎಂದು ಹೇಳಿಕೆ ನೀಡಿರುವುದು ವಿವಾದಕ್ಕೆ ಕಾರಣವಾಗಿದೆ.