ತಮ್ಮ ಆಗಾಧ ಅನುಭವದ ಸಂಪೂರ್ಣ ಲಾಭ ಪಡೆದ ಪೇಸ್-ಭೂಪತಿ ಜೋಡಿ ಪ್ರಿ-ಕ್ವಾರ್ಟರ್ ಪಂದ್ಯವನ್ನು 6-4, 7-5ರ ಅಂತರದಲ್ಲಿ ವಶಪಡಿಸಿಕೊಂಡಿತು. ಒಂದು ವರೆ ತಾಸು ತನಕ ಸಾಗಿದ ಈ ಪಂದ್ಯದಲ್ಲಿ ಎದುರಾಳಿಗೆ ಯಾವುದೇ ಸೆಟ್ ಬಿಟ್ಟುಕೊಡದ ಪೇಸ್-ಭೂಪತಿ ಜೋಡಿ ತಮ್ಮ ಚಾಣಕ್ಯತೆಯನ್ನು ಮೆರೆಯಿತು.
ನಾಲ್ಕನೇ ಶ್ರೇಯಾಂಕ ಹೊಂದಿರುವ ಪೇಸ್-ಭೂಪತಿ ಇದೀಗ ಕ್ವಾರ್ಟರ್ ಫೈನಲ್‌ನಲ್ಲಿ ಆರನೇ ಶ್ರೇಯಾಂಕಿತರಾಗಿರುವ ಪೊಲೆಂಡ್‌ನ ಮರೈಸ್ ಫ್ರೈಸ್ಟೆನ್‌ಬರ್ಗ್ ಹಾಗೂ ಮಾರ್ಸಿನ್ ಮಾಟ್‌ಕೊವ್ಸ್ಕಿ ಜೋಡಿ ಸವಾಲನ್ನು ಎದುರಿಸಲಿದೆ.
ಟೂರ್ನಮೆಂಟ್‌ನಲ್ಲಿ ಭಾರತದ ಮತ್ತೊಂದು ಆಶಾಕಿರಣವಾಗಿರುವ ರೋಹನ್ ಬೋಪಣ್ಣ ಹಾಗೂ ಪಾಕಿಸ್ತಾನದ ಹಾಶೀಮ್ ಉಲ್ ಹಕ್ ಖುರೇಷಿ ಸಹ ಎಂಟರ ಹಂತಕ್ಕೆ ಲಗ್ಗೆಯಿಟ್ಟಿದ್ದು, ಸೆಮಿಗಾಗಿನ ಹೋರಾಟದಲ್ಲಿ ಬ್ರಿಟನ್‌ನ ಶ್ರೇಯಾಂಕ ರಹಿತ ಜೋಡಿ ಕಾಲಿನ್ ಪ್ಲೆಮಿಂಗ್ ಹಾಗೂ ರೊಸ್ ಹಚ್ಚಿನ್ಸ್ ಸವಾಲನ್ನು ಎದುರಿಸಲಿದ್ದಾರೆ.
ವೆಬ್‌ದುನಿಯಾ ಕನ್ನಡ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!