ಶೇರು ಖರೀದಿಯ ಭರಾಟೆ: ಗಗನಕ್ಕೇರಿದ ಸೂಚ್ಯಂಕ ದರ
ಮುಂಬೈ , ಬುಧವಾರ, 21 ಮಾರ್ಚ್ 2012 (17:37 IST)
ಬ್ಲ್ಯೂಚಿಪ್ ಕಂಪೆನಿಯ ಶೇರುಗಳು ಸೇರಿದಂತೆ ಇತರ ಕ್ಷೇತ್ರಗಳ ಶೇರುಗಳು ವಹಿವಾಟಿನಲ್ಲಿ ಚೇತರಿಕೆ ಕಂಡಿದ್ದರಿಂದ, ಶೇರುಪೇಟೆಯ ಸೂಚ್ಯಂಕ ವಹಿವಾಟಿನ ಮುಕ್ತಾಯಕ್ಕೆ 285 ಪಾಯಿಂಟ್ಗಳ ಏರಿಕೆ ಕಂಡಿದೆ.ಹಿಂದಿನ ದಿನದ ವಹಿವಾಟಿನ ಮುಕ್ತಾಯಕ್ಕೆ 43 ಪಾಯಿಂಟ್ಗಳ ಏರಿಕೆ ಕಂಡ ಬಿಎಸ್ಇ ಸೂಚ್ಯಂಕ, ರಿ ಯಲ್ಟಿ, ಬಂಡವಾಳ ವಸ್ತುಗಳು ಮತ್ತು ಬ್ಯಾಂಕಿಂಗ್ ಕ್ಷೇತ್ರದ ಸೇರುಗಳ ಚೇತರಿಕೆಯ ವಹಿವಾಟಿನಿಂದಾಗಿ ಇಂದಿನ ವಹಿವಾಟಿನ ಮುಕ್ತಾಯಕ್ಕೆ 285.53 ಪಾಯಿಂಟ್ಗಳ ಏರಿಕೆ ಕಂಡು17,601.71 ಅಂಕಗಳಿಗೆ ತಲುಪಿದೆ. ರಾಷ್ಟ್ರೀಯ ಮಾರುಕಟ್ಟೆ ನಿಫ್ಟಿ ಸೂಚ್ಯಂಕ ಕೂಡಾ ಇಂದಿನ ವಹಿವಾಟಿನ ಮುಕ್ತಾಯಕ್ಕೆ 90.10 ಪಾಯಿಂಟ್ಗಳ ಏರಿಕೆ ಕಂಡು 5,364.95 ಅಂಕಗಳಿಗೆ ಏರಿಕೆಯಾಗಿದೆ.ಐಟಿ, ರಿಯಲ್ಟಿ, ರಿಲಯನ್ಸ್ ಕಂಪೆನಿಗಳ ಶೇರುಗಳು ವಹಿವಾಟಿನಲ್ಲಿ ಚೇತರಿಕೆ ಕಂಡಿವೆ ಎಂದು ಮಾರುಕಟ್ಟೆಯ ಡೀಲರ್ಗಳು ತಿಳಿಸಿದ್ದಾರೆ.