ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬುಧವಾರ ಸಂಜೆ ನಡೆದ 51ಕೆಜಿ ಬಾಕ್ಸಿಂಗ್ ಸ್ಪರ್ಧೆಯ ಕ್ವಾರ್ಟರ್ ಫೈನಲ್ನಲ್ಲಿ ಜಿತೇಂದರ್ ಕುಮಾರ್ ಅವರು ಎದುರಾಳಿ ವಿಶ್ವ ಚಾಂಪಿಯನ್ ರ ಷ್ಯಾದ ಜಾರ್ಜಿ ಬಾಲಾಕ್ಸಿನ್ ವಿರುದ್ಧ ಪರಾಜಯಗೊಳ್ಳುವ ಭಾರತದ ಪದಕದ ನಿರೀಕ್ಷೆ ಹುಸಿಯಾಗಿದೆ.
ಬುಧವಾರ ಸಂಜೆ 4.45ಕ್ಕೆ ಆರಂಭಗೊಂಡ ಬಾಕ್ಸಿಂಗ್ ಸ್ಪರ್ಧೆಯ ಆರಂಭದ ಸುತ್ತಿನಲ್ಲಿ ಭಾರತದ ಜಿತೇಂದರ್ ಕುಮಾರ್ ಎದುರಾಳಿ ಜಾರ್ಜಿಗೆ ಪ್ರಬಲ ಹೋರಾಟವನ್ನು ನೀಡುವ ಮೂಲಕ 7-6ರ ಅಂತರವನ್ನು ಕಾಯ್ದುಕೊಂಡಿದ್ದರು.
ಆದರೆ ಎರಡನೇ ಹಂತದಲ್ಲಿ ಮಾಜಿ ವಿಶ್ವ ಚಾಂಪಿಯನ್ ರಷ್ಯಾದ ಬಾಲಾಕ್ಸಿನ್ ಅವರು ಜಿತೇಂದರ್ ಕುಮಾರ್ ಅವರ ಬೆವರಿಳಿಸುವ ಮೂಲಕ 13-8ರ ಅಂತದಲ್ಲಿ ಸೋಲಿಸಿದರು.
ಅಂತಿಮ ಸುತ್ತಿನಲ್ಲಿಯೂ ಜಿತೇಂದರ್ ಅವರು ಪ್ರಬಲ ಸ್ಪರ್ಧೆಯನ್ನು ಒಡ್ಡುತ್ತಾರೆಂಬ ನಿರೀಕ್ಷೆಯೂ ಹುಸಿಯಾಗಿದ್ದು,15-11ರ ಅಂತರದೊಂದಿಗೆ ಸೋಲುವ ಮೂಲಕ ಬಾಕ್ಸಿಂಗ್ನಲ್ಲಿನ ಪದಕದ ನಿರೀಕ್ಷೆಗೆ ತಣ್ಣೀರೆರಚಿದಂತಾಗಿದೆ.