ಹಣಕ್ಕಾಗಿ ತನ್ನದೇ ಕಿಡ್ನ್ಯಾಪ್ ಕತೆ ಕಟ್ಟಿದ ಭೂಪ

ಚೆನ್ನೈ: ಹಣಕ್ಕಾಗಿ ತಾನೇ ಕಿಡ್ನ್ಯಾಪ್ ಆಗಿರುವುದಾಗಿ ಕತೆ ಕಟ್ಟಿದ ವ್ಯಕ್ತಿಯೊಬ್ಬನನ್ನು ಇದೀಗ ತಮಿಳುನಾಡು ಪೊಲೀಸರು ಬಂಧಿಸಿದ್ದಾರೆ.

27 ವರ್ಷದ ಯುವಕ ಸ್ನೇಹಿತರ ಸಹಾಯದಿಂದ 53 ವರ್ಷದ ತನ್ನ ಮಾವನಿಗೆ ಕರೆ ಮಾಡಿ ಕಿಡ್ನ್ಯಾಪ್ ಆಗಿರುವುದಾಗಿ ಸುಳ್ಳು ಕರೆ ಮಾಡಿದ್ದ. ಅಲ್ಲದೆ, ಮಾವನನ್ನು ನಂಬಿಸಲು ರಕ್ತದ ಕಲೆ ಇರುವ ತನ್ನ ಫೋಟೋ ವ್ಯಾಟ್ಸಪ್ ಮೂಲಕ ಕಳುಹಿಸಿ 10 ಲಕ್ಷ ರೂ.ಗೆ ಬೇಡಿಕೆಯಿಟ್ಟಿದ್ದ.

ಅಳಿಯನ ಸ್ಥಿತಿ ಕಂಡು ಗಾಬರಿಯಾದ ಮಾವ ಪೊಲೀಸರ ಸಹಾಯ ಕೋರಿದ್ದ. ಅದರಂತೆ ಕರೆಯ ಜಾಡು ಹಿಡಿದು ಅಪಹರಣಕಾರರನ್ನು ತಲಾಷ್ ಮಾಡಿದಾಗ ಪೊಲೀಸರಿಗೆ ನಿಜಾಂಶ ತಿಳಿದುಬಂದಿದೆ. ಇದೀಗ ಆರೋಪಿ ಯುವಕ ಮತ್ತು ಆತನ ನಾಲ್ವರು ಸ್ನೇಹಿತರನ್ನು ಪೊಲೀಸರು ಬಂಧಿಸಿದ್ದಾರೆ.