ನಾಳೆಯಿಂದ (ಸೆಪ್ಟಂಬರ್ 21) ಸೆಪ್ಟಂಬರ್ 25ರವರೆಗೆ ಯಶವಂತಪುರದಿಂದ ಪೀಣ್ಯ ಕೈಗಾರಿಕಾ ಪ್ರದೇಶದವರೆಗಿನ ಮೆಟ್ರೋ ಸಂಚಾರವನ್ನು ಸ್ಥಗಿತಗೊಳಿಸಲಾಗಿದೆ. ಪೀಣ್ಯದಿಂದ ಜಾಲಹಳ್ಳಿ ನಿಲ್ದಾಣದವರೆಗೆ ಕೇಬಲಿಂಗ ಕಾರ್ಯ ಮಾಡಬೇಕಾಗಿರುವುದರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಮಂತ್ರಿ ಸ್ಕ್ವೇರ್‌ನಿಂದ ಪೀಣ್ಯ ಕೈಗಾರಿಕಾ ಪ್ರದೇಶದವರೆಗೆ ಓಡಾಡುತ್ತಿದ್ದ ಮೆಟ್ರೋ ನಾಳೆಯಿಂದ 5 ದಿನಗಳ ಕಾಲ ಕೇವಲ ಯಶವಂತಪುರದವರೆಗೆ ಮಾತ್ರ ಸಂಚರಿಸಲಿದೆ.
ಈ ಮಾರ್ಗದಲ್ಲಿ ನಿತ್ಯ ಪ್ರಯಾಣಿಸುವ ಸುಮಾರು 35 ಸಾವಿರ ಪ್ರಯಾಣಿಕರಿಗೆ ಇದರಿಂದ ತೊಡಕುಂಟಾಗುತ್ತಿದ್ದು, ಇದರಿಂದ ಅಸಮಾಧಾನ ವ್ಯಕ್ತಪಡಿಸಿರುವ ನಾಗರಿಕರು, ರಾತ್ರಿ ಸಮಯದಲ್ಲಿ ಕೇಬಲಿಂಗ್ ಕಾರ್ಯವನ್ನು ಮಾಡಬಹುದಿತ್ತು ಎಂದು ಹೇಳುತ್ತಿದ್ದಾರೆ.