ನೋಯ್ಡಾ ಮಾಲ್‌ನಲ್ಲಿ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿದ ಕಾಮುಕ

ನಗರದ ಜನಪ್ರಿಯ ನೋಯ್ಡಾ ಮಾಲ್‌ನಲ್ಲಿ ವಾಷ್‌ರೂಮಿನಲ್ಲಿ ಸೇಲ್ಸ್‌ಮ್ಯಾನ್‌ನೊಬ್ಬ ತಮ್ಮ ಮೇಲೆ ಅತ್ಯಾಚಾರವೆಸಗಿದ್ದಾನೆ ಎಂದು ದೆಹಲಿಯ ಮಹಿಳೆಯೊಬ್ಬಳು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾಳೆ

ಮಾಲ್‌ನ ಒಂದು ಶೋರೂಮ್‌‌ನಲ್ಲಿ ಸೇಲ್ಸ್‌ಮ್ಯಾನ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಜೈಟಾಪುರ್ ಮೂಲದ ಯೋಗೇಶ್ ಎನ್ನುವ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಹಿಂದೆ ಮಹಿಳೆ ಆರೋಪಿಯೊಂದಿಗೆ ಲೈವ್ ಇನ್ ರಿಲೇಶನ್‌ಶಿಪ್‌ನಲ್ಲಿದ್ದಳು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. 

ಕಳೆದ ಶನಿವಾರದಂದು ಮಹಿಳೆ ಮಾಲ್‌‌ಗೆ ಭೇಟಿ ನೀಡಿದ್ದಾಗ ಆರೋಪಿ ಆಕೆಯನ್ನು ವಾಷ್ ರೂಮ್‌ನಲ್ಲಿ ಅತ್ಯಾಚಾರವೆಸಗಿದ್ದನು.

ಆರೋಪಿಯ ವಿರುದ್ಧ ಶೂನ್ಯ ಎಫ್‌ಆರ್ ದಾಖಲಿಸಲಾಗಿದ್ದು, ಪ್ರಕರಣವನ್ನು ದೆಹಲಿಗೆ ವರ್ಗಾಯಿಸಲಾಗುವುದು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.