ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾರವರ ಯಶಸ್ವಿ ಭಾರತ ಭೇಟಿಯ ಪ್ರತೀಕವಾಗಿ ಈ ವಾರವನ್ನು ‘ನಮಸ್ತೆ ಒಬಾಮಾ’ ಎಂದು ಆಚರಿಸಲು ಶ್ವೇತಭವನ ನಿರ್ಧರಿಸಿದೆ.
ಒಬಾಮಾ ಭಾರತ ಭೇಟಿ ಅತ್ಯಂತ ಮಹತ್ವದ್ದಾಗಿದ್ದು, ಒಂದು ವಾರದವರೆಗೆ ನಮಸ್ತೆ ಒಬಾಮಾ ಆಚರಣೆ ಮಾಡಲಾಗುವುದು ಎಂದು ವೈಟ್ಹೌಸ್ನ ಡಿಜಿಟಲ್ ಸ್ಟ್ರಾಟಜಿಯ ವೀಡಿಯೊ ನಿರ್ದೇಶಕ ಅಧಿಕಾರಿ ಆಡಮ್ ಗಾರ್ಬೆರ್ ಶ್ವೇತಭವನದ ಬ್ಲಾಗ್‌ಲ್ಲಿ ಬರೆದಿದ್ದಾರೆ.
ಭಾರತ-ಅಮೆರಿಕ ಸಂಬಂಧದಲ್ಲಿ ಸೌಹಾರ್ದತೆ ಅಭಿವೃದ್ಧಿಗೊಂಡಿದ್ದು 21ನೇ ಶತಮಾನದ ಮಹತ್ವದ ಬೆಳವಣಿಗೆ ಎಂದಿರುವ ಅಮೆರಿಕ, ಎರಡು ದೇಶಗಳು ಹಲವು ಕ್ಷೇತ್ರಗಳಲ್ಲಿ ಜಾಗತಿಕ ಶಕ್ತಿಯಾಗಿ ರೂಪುಗೊಳ್ಳಲಿವೆ ಎಂಬ ಆಶಯವನ್ನು ವ್ಯಕ್ತಪಡಿಸಿದೆ.
ಇದರಿಂದ ಒಬಾಮಾ ಭಾರತ ಭೇಟಿಗೆ ಭಾರತ ನೀಡಿದ್ದಷ್ಟೇ ಮಹತ್ವವನ್ನು ಅಮೇರಿಕಾ ಸಹ ನೀಡಿದೆ ಎಂದು ಸಾಬೀತಾಗಿದೆ.
