ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆ: 68% ಮತದಾನ, ಹಿಂಸಾಚಾರ, ಬಲಿ

ನಿನ್ನೆ ಪಶ್ಚಿಮ ಬಂಗಾಳದಲ್ಲಿ ನಡೆದ ಮೂರನೇ ಹಂತದ ಚುನಾವಣೆಯಲ್ಲಿ 68% ಮತದಾನವಾಗಿದೆ. ಹಲವೆಡೆ ಹಿಂಸಾಚಾರದ ವರದಿಯಾಗಿದ್ದು ಒಬ್ಬ ಮೃತನಾಗಿದ್ದು, ಅನೇಕರು ಗಾಯಗೊಂಡಿದ್ದಾರೆ. 

62 ಕ್ಷೇತ್ರಗಳಿಗೆ ನಿನ್ನೆ ನಡೆದ ಚುನಾವಣೆಯಲ್ಲಿ ಮೊದಲ 6 ತಾಸಿನಲ್ಲಿ 67ಪ್ರತಿಶತ ಮತದಾನವಾಗಿತ್ತು. 

ಚುನಾವಣಾ ಆಯೋಗ ಅಧಿಕಾರಿಗಳಿಗೆ ಹಿಂಸೆ, ಮತದಾರರಿಗೆ ಬೆದರಿಕೆ ಮತ್ತು ಮತದಾನ ಪ್ರಕ್ರಿಯೆಯಲ್ಲಿ ಅಡ್ಡಿ ಸೇರಿದಂತೆ 1,500 ದೂರುಗಳು ಬಂದಿವೆ. ಘಟನೆಗೆ ಸಂಬಂಧಿಸಿದಂತೆ ಮಹಾನಗರಗಳಲ್ಲೇ ಕನಿಷ್ಠ 47 ಜನರು ಬಂಧನಕ್ಕೊಳಪಟ್ಟಿದ್ದಾರೆ. 

ಮಧ್ಯಾಹ್ನ ಮೂರು ಗಂಟೆಯವರೆಗೆ 67.55 ಪ್ರತಿಶತ ಮತದಾನವಾಗಿತ್ತು. ಮುರ್ಷಿದಾಬಾದ್‌ನಲ್ಲಿ 70.32%, ನಡಿಯಾ 68.62%, ಬುರ್ದಾನ್ 70.55% ಮತ್ತು ಕೋಲ್ಕತ್ತಾದಲ್ಲಿ 49.43 ಪ್ರತಿಶತ ಮತದಾನವಾಗಿತ್ತು ಎಂದು ಚುನಾವಣಾ ಆಯೋಗದ ಅಧಿಕಾರಿಗಳು ತಿಳಿಸಿದ್ದಾರೆ. 

34 ಮಹಿಳೆಯರು ಸೇರಿದಂತೆ 418 ಅಭ್ಯರ್ಥಿಗಳು ಕಣದಲ್ಲಿದ್ದರು. ಮುರ್ಷಿದಾಬಾದ್, ನಾಡಿಯಾ, ಬುರ್ವಾನ್ ಮತ್ತು ಉತ್ತರ ಕೋಲ್ಕತ್ತಾ ಜಿಲ್ಲೆಗಳಲ್ಲಿ ಮತದಾನ ನಡೆದಿತ್ತು. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.