ನಿನ್ನೆ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದೆದುರು ಭಾರತ ಸೋತಿರುವುದರಿಂದ ನಿರಾಶರಾಗಿರುವ ಭಾರತೀಯ ಅಭಿಮಾನಿಗಳನ್ನು ಹುರಿದುಂಬಿಸುವ ಪ್ರಯತ್ನ ತೋರಿರುವ ಪ್ರಧಾನಿ ನರೇಂದ್ರ ಮೋದಿ, ಗೆಲುವು ಮತ್ತು ಸೋಲು ಜೀವನದ ಭಾಗಗಳಾಗಿವೆ ಎಂದಿದ್ದಾರಲ್ಲದೆ ವಿಶ್ವಕಪ್‌ನುದ್ದಕ್ಕೂ ಅತ್ಯುತ್ತಮ ಆಟ ಪ್ರದರ್ಶಿಸಿರುವ ಭಾರತೀಯ ತಂಡವನ್ನು ಹೊಗಳಿದ್ದಾರೆ.
ಗೆಲುವು ಮತ್ತು ಸೋಲು ಎಲ್ಲರ ಜೀವನದ ಭಾಗಗಳು. ಟೂರ್ನಮೆಂಟ್ ಉದ್ದಕ್ಕೂ ಧೋನಿ ಬಳಗ ಅತ್ಯುತ್ತಮ ಪ್ರದರ್ಶನ ತೋರಿದೆ. ನಾವು ಅವರ ಬಗ್ಗೆ ನಾವು ಹೆಮ್ಮೆ ಪಟ್ಟುಕೊಳ್ಳಬೇಕು, ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಕಳೆದ ಗುರುವಾರ ನಡೆದ ವಿಶ್ವಕಪ್ ಸೆಮಿಫೈನಲ್ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಭಾರತ, ಆತಿಥೇಯ ಆಸ್ಟ್ರೇಲಿಯಾದೆದುರು
95 ರನ್‌ಗಳ ಹೀನಾಯ ಸೋಲನ್ನು ಅನುಭವಿಸಿತ್ತು. ಭಾರತದ ಸೋಲಿನಿಂದ ಹತಾಶರಾಗಿರುವ ಕ್ರಿಕೆಟ್ ಅಭಿಮಾನಿಗಳು ಭಾರತ ತಂಡವನ್ನು ಹಿಗ್ಗಾಮುಗ್ಗಾ ಹೀಯಾಳಿಸುತ್ತಿದ್ದಾರೆ.
