ಆಂಧ್ರಪ್ರದೇಶದ ಅರಣ್ಯ ಇಲಾಖೆ ಮತ್ತು ತಿರುಪತಿ ದೇವಸ್ಥಾನ ಆಡಳಿತ ಮಂಡಳಿ ನಡುವೆ ಜಟಾಪಟಿ ಶುರುವಾಗಿದೆ. ಅದು ಕೇವಲ ಪುನುಗು ಬೆಕ್ಕಿಗಾಗಿ.
ಭಾರತದಲ್ಲಿ ತೀರಾ ವಿರಳ ಎನ್ನಲಾಗುವ ವನ್ಯಜೀವಿಗಳಾದ ಪುನುಗು ಬೆಕ್ಕಿನ ಒಂದು ಜೋಡಿಯನ್ನ ಟಿಟಿಡಿ ಸಾಕಿಕೊಂಡಿದೆ. ಈ ಬೆಕ್ಕು ಗುದದ ಬಳಿ ಇರುವ ರಹಸ್ಯ ಗ್ರಂಥಿಯಿಂದ ಹಳದಿ ಬಣ್ಣದ ಒಂದು ಗ್ರಾಂಗಿಂತಲೂ ಕಡಿಮೆ ತೂಕದ ಸುಗಂಧ ವಸ್ತುವನ್ನ ಹೊರಸೂಸುತ್ತದೆ. ಇದನ್ನ ಪ್ರತಿನಿತ್ಯ ವೆಂಕಟೇಶ್ವರನ ಅಭಿಷೇಕಕ್ಕೆ ಬಳಸಲಾಗುತ್ತದೆ.
ಆದರೆ, ವನ್ಯಜೀವಿ ಕಾಯ್ದೆ ಪ್ರಕಾರ, ಪುನುಗು ಬೆಕ್ಕುಗಳನ್ನ ಒಂದೆಡೆ ಕೂಡಿ ಇಡುವಂತಿಲ್ಲ. ಈ ಕುರಿತು, ಎರಡು ಬಾರಿ ಕೋರ್ಟ್ ಮೊರೆಹೋಗಿರುವ ಅರಣ್ಯ ಇಲಾಖೆ ಸೋಲನುಭವಿಸಿದೆ. ಆದರೆ, ಈಗಲೂ ಒಂದಿಲ್ಲೊಂದು ವಿವಾದ ಹೊತ್ತಿಕೊಳ್ಳುತ್ತಲೇ ಇದೆ.