ಪ್ರತೀಕಾರ: ತಾತನನ್ನು ಕೊಂದಿದ್ದಕ್ಕೆ ಸಾಮೂಹಿಕ ಅತ್ಯಾಚಾರ

ಮಕ್ಕಳು ಅಪರಾಧದ ಜಗತ್ತಿಗೆ ಈ ಪರಿಯಲ್ಲಿ ತೆರೆದುಕೊಳ್ಳುತ್ತಿದ್ದಾರೆ ಎಂಬುದಕ್ಕೆ ಇದಕ್ಕಿಂತ ದೊಡ್ಡ ಉದಾಹರಣೆ ಮತ್ತೊಂದು ಸಿಗಲಾರದು. 14 ವರ್ಷದ ಹಿಂದೆ ತಮ್ಮ ತಾತನನ್ನು ಕೊಲೆಗೈದ ವ್ಯಕ್ತಿಯ ಮೊಮ್ಮಗಳ ಮೇಲೆ ಅತ್ಯಾಚಾರವೆಸಗಿದ ಹೇಯ ಘಟನೆ ಫಿರೋಜಾಬಾದ್‌ನಲ್ಲಿ ನಡೆದಿದೆ. ಮತ್ತೂ ಕಳವಳಕಾರಿ ಸಂಗತಿ ಎಂದರೆ ಅಪರಾಧ ಎಸಗಿದವರು ಮತ್ತು ಬಲಿಪಶು ಅಪ್ರಾಪ್ತರಾಗಿದ್ದಾರೆ. 

10 ವರ್ಷದ ಬಾಲಕಿ(ಪೀಡಿತೆ) ತಾತ ಕಳೆದ 14 ವರ್ಷದ ಹಿಂದೆ ವ್ಯಕ್ತಿಯೊಬ್ಬನನ್ನು ಗುಂಡಿಕ್ಕಿ ಕೊಂದಿದ್ದ. ಆಗಿನ್ನು ಹಸಿಗೂಸಾಗಿದ್ದ  ಆತನ ಮೊಮ್ಮಗ 14 ವರ್ಷದ ಬಳಿಕ ತನ್ನ ಗೆಳೆಯನ ಜತೆ ಸೇರಿ ತಾತನ ಕೊಲೆಯ ಸೇಡನ್ನು ತೀರಿಸಿಕೊಂಡಿದ್ದಾನೆ. ಆರೋಪಿಗಳಿಬ್ಬರು 14 ಮತ್ತು 15 ವರ್ಷದವರಾಗಿದ್ದಾರೆ.

ಬಾಲಕಿಯನ್ನು ಪೊದೆಯೊಳಗೆ ಎಳೆಯೊಯ್ದ ಬಾಲಕರು ಬಾಯಿ ಕಟ್ಟಿ ಅತ್ಯಾಚಾರವೆಸಗಿದ್ದಾರೆ. ಮಗಳು ನಾಪತ್ತೆಯಾಗಿದ್ದಾಳೆ ಎಂದು ಹುಡುಕುತ್ತ ಬಂದ ತಾಯಿಗೆ ಆಕೆ ರಕ್ತದ ಮಡುವಿನಲ್ಲಿ ಬಿದ್ದಿರುವುದು ಸ್ಥಿತಿಯಲ್ಲಿ ಕಂಡು ಬಂದಿದೆ. 

ಹಿಂಸೆ ಮತ್ತಷ್ಟು ಹಿಂಸೆಗೆ ಪ್ರಚೋದನೆ ನೀಡುತ್ತದೆ ಎನ್ನುತ್ತಾರೆ. ಆದರೆ ಈ ರೀತಿಯ ಪ್ರಕರಣವನ್ನು ನಾನು ಜೀವನದಲ್ಲಿ ಎಂದೂ ಕೇಳಿರಲಿಲ್ಲ, ನೋಡಿರಲಿಲ್ಲ ಎನ್ನುತ್ತಾರೆ ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸ್ ಅಧಿಕಾರಿ ಪ್ರದೀಪ್ ಯಾದವ್.

ತನ್ನ ತಾತನ ಕೊಲೆಗೆ ಪ್ರತೀಕಾರ ತೆಗೆದುಕೊಳ್ಳಲು ತಾನು ಈ ಕೃತ್ಯವನ್ನೆಸಗಿರುವುದಾಗಿ ಆರೋಪಿಗಳಲ್ಲಿ ಒಬ್ಬ ಬಾಯ್ಬಿಟ್ಟಿದ್ದಾನೆ.

ಗಂಭೀರವಾಗಿ ಗಾಯಗೊಂಡಿರುವ ಬಾಲಕಿಯನ್ನು ಆಗ್ರಾದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಎರಡು ಕುಟುಂಬದರ ನಡುವೆ ಗಲಾಟೆಯಾಗಬಹುದೆಂಬ ಮುನ್ನಚ್ಚೆರಿಕೆಯಿಂದ ಸ್ಥಳದಲ್ಲಿ ಪೊಲೀಸರನ್ನು ನಿಯೋಜಿಸಲಾಗಿದೆ.