ದೇಶದಲ್ಲಿ ಅತ್ಯಾಚಾರ ಪ್ರಕರಣಗಳು ದಿನೇ ದಿನೇ ಹೆಚ್ಚುತ್ತಲೇ ಇದೆ. ಇದು ಆತಂಕಕಾರಿ ಸಂಗತಿಯೇ ಹೌದು. ಆದರೆ ಇದನ್ನೇ ಬಂಡವಾಳವಾಗಿಸಿಕೊಂಡು ಕುಟುಂಬವೊಂದು ಹಣ ಗಳಿಸಲು ಪ್ರಯತ್ನಿಸಿದ ಘಟನೆ ಪುಣೆಯಲ್ಲಿ ನಡೆದಿದೆ.
ಹೌದು, ಅಪಘಾತದಲ್ಲಿ ಕೈ ಕಳೆದುಕೊಂಡ ದಲಿತ ಬಾಲಕಿಯೋರ್ವಳ ಪೋಷಕರು ಆರ್ಥಿಕ ಸಹಾಯ ಸಿಗುವುದೆಂಬ ದುರಾಶೆಯಲ್ಲಿ ತಮ್ಮ ಮಗಳ ಮೇಲೆ ಅತ್ಯಾಚಾರ ಯತ್ನ ಮಾಡುವಾಗ ಕೈ ಕತ್ತರಿಸಿದ್ದಾರೆ ಎಂದು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಮತ್ತೀಗ ಸತ್ಯ ಬಯಲಾಗಿದ್ದು ತಮ್ಮ ತಪ್ಪನ್ನವರು ಒಪ್ಪಿಕೊಂಡಿದ್ದಾರೆ.
16 ವರ್ಷದ ಬಾಲಕಿ ಪೊಲೀಸರ ಬಳಿ ತನ್ನ ಮೇಲೆ ಅತ್ಯಾಚಾರ ಯತ್ನವಾಗಿತ್ತು. ಮಂಗಳವಾರ ಸಂಜೆ ಆಗ್ರಾದಲ್ಲಿ ಈ ಘಟನೆ ನಡೆದಿದ್ದು ಬೈಕ್ ಮೇಲೆ ಬಂದ ಇಬ್ಬರು ದುಷ್ಕರ್ಮಿಗಳು ನನ್ನ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದರು. ನನ್ನನ್ನು ರೈಲು ಹಳಿಯ ಮೇಲೆ ಎಳೆದೊಯ್ದು ಕೈ ಕಟ್ ಆಗಲು ಕಾರಣರಾದರು ಎಂದು ಹೇಳಿದ್ದಳು.
ಆದರೆ ಪೊಲೀಸರು ಗಂಭೀರವಾಗಿ ವಿಚಾರಣೆಗೊಳಪಡಿಸಲಾಗಿ ತಾಯಿ ಮತ್ತು ಮಗಳು ಆರ್ಥಿಕ ಸಹಾಯ ಸಿಗಬಹುದೆಂಬ ದುರಾಶೆಯಲ್ಲಿ ತಾವು ಅತ್ಯಾಚಾರ ಕಥೆ ಕಟ್ಟಿದ್ದಾಗಿ ಒಪ್ಪಿಕೊಂಡಿದ್ದಾರೆ.
ಅಪಘಾತದಲ್ಲಿ ನನ್ನ ಮಗಳು ಕೈ ಕಳೆದುಕೊಂಡಳು. ಘಟನೆಯನ್ನು ಅತ್ಯಾಚಾರವೆಂಬಂತೆ ಬಿಂಬಿಸಿದರೆ ಆರ್ಥಿಕ ಸಹಾಯ ಸಿಗುವುದೆಂದು ಕೆಲವರು ಸಲಹೆ ನೀಡಿದ್ದರು. ಹೀಗಾಗಿ ತಾವು ಸುಳ್ಳು ಹೇಳಿದ್ದಾಗಿ ಬಾಲಕಿ ತಾಯಿ ಹೇಳಿದ್ದಾಳೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
