ರಾಹುಲ್ ಗಾಂಧಿ ಪ್ರಧಾನಿಯಾಗಬೇಕಾದರೆ ಬ್ರಾಹ್ಮಣ ಯುವತಿಯನ್ನು ಮದುವೆಯಾಗಬೇಕಂತೆ!

ನವದೆಹಲಿ: ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಗೆದ್ದು, ಪ್ರಧಾನಿಯಾಗಬೇಕೆಂದು ಕನಸು ಕಾಣುತ್ತಿರುವ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೆ ತೆಲುಗುದೇಶಂ ಪಾರ್ಟಿ ಸಂಸದರೊಬ್ಬರು ಭಾರೀ ಐಡಿಯಾ ಕೊಟ್ಟಿದ್ದಾರೆ!

ಮುಂದೆ ಪ್ರಧಾನಿಯಾಗಬೇಕೆಂದಿದ್ದರೆ ಉತ್ತರ ಪ್ರದೇಶದಿಂದ ಬ್ರಾಹ್ಮಣ ಕನ್ಯೆಯೊಬ್ಬಳನ್ನು ಹುಡುಕಿ ಮದುವೆಯಾಗಿ ಎಂದು ಟಿಡಿಪಿ ಸಂಸದ ಜೆಸಿ ದಿವಾಕರ್ ರೆಡ್ಡಿ ಎಂಬವರು ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

ಸಾರ್ವಜನಿಕ ಸಮಾರಂಭವೊಂದರಲ್ಲಿ ಮಾತನಾಡುವಾಗ ಸಂಸದ ರೆಡ್ಡಿ ಇಂತಹದ್ದೊಂದು ಹೇಳಿಕೆ ನೀಡಿದ್ದಾರೆ. ‘ಹಿಂದೆಯೂ ನಾನು ಸೋನಿಯಾ ಗಾಂಧಿಯವರಿಗೆ ಇದೇ ಸಲಹೆ ನೀಡಿದ್ದೆ. ರಾಹುಲ್ ಪ್ರಧಾನಿಯಾಗಬೇಕಾದರೆ ಉತ್ತರ ಪ್ರದೇಶದ ಬ್ರಾಹ್ಮಣ ಯುವತಿಯನ್ನು ಮದುವೆ ಮಾಡಿಸಿ. ಪ್ರಧಾನಿಯಾಗಬೇಕಾದರೆ ಉತ್ತರ ಪ್ರದೇಶದವರ ಆಶೀರ್ವಾದ ಬಹಳ ಮುಖ್ಯ’ ಎಂದು ರೆಡ್ಡಿ ಹೇಳಿಕೊಂಡಿದ್ದಾರೆ. ಅಂತೂ ರಾಹುಲ್ ಮದುವೆ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಾರೋ ಇಲ್ಲವೋ, ಆದರೆ ಬೇರೆ ಬೇರೆ ರಾಜಕೀಯ ನಾಯಕರು ಮಾತ್ರ ಆಗಾಗ ಇದರ ಬಗ್ಗೆ ಪ್ರಸ್ತಾಪವಿಡುತ್ತಲೇ ಇರುತ್ತಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.