'ಕೆಂಪು ಜಾಕೆಟ್' ಶಿಶುಕಾಮಿ ಬಿಚ್ಚಿಟ್ಟ ಬೆಚ್ಚಿಬೀಳಿಸುವ ಸಂಗತಿ

700ಕ್ಕೂ ಹೆಚ್ಚು ಬಾಲೆಯರನ್ನು ಗುರಿಯನ್ನಾಗಿಸಿದ್ದ ಶಿಶುಕಾಮಿ ಸುನಿಲ್ ರಸ್ತೋಗಿ 13 ವರ್ಷಗಳ ಬಳಿಕ ದೆಹಲಿ ಪೊಲೀಸರ ಬಲೆಗೆ ಬಿದ್ದಿದ್ದು, ಆತ ಬಿಚ್ಚಿಟ್ಟ ಸತ್ಯಗಳು ಪೊಲೀಸರನ್ನೇ ಬೆಚ್ಚಿ ಬೀಳಿಸಿವೆ.

* ವಾರಾಂತ್ಯದಲ್ಲಿ ದೆಹಲಿಯಲ್ಲಿ ಟೇಲರ್ ಆಗಿ ಕೆಲಸ ಮಾಡುತ್ತಿದ್ದ ಈತ ಉತ್ತರ ಪ್ರದೇಶದ ರಾಮಪುರ ನಿವಾಸಿ. ಕೇವಲ ಸಂಪರ್ಕ ಕ್ರಾಂತಿ ರೈಲನ್ನೇರಿ ದೆಹಲಿಗೆ ಬರುತ್ತಿದ್ದ ಈತ, ಬೆಸ ಸಂಖ್ಯೆ ದಿನಗಳಂದು ಮಾತ್ರ ಪ್ರಯಾಣಿಸುತ್ತಿದ್ದ.

* ಸದಾ ಕೆಂಪು ಜಾಕೆಟ್, ನೀಲಿ ಜೀನ್ಸ್ ಧರಿಸಿಯೇ ಬರುತ್ತಿದ್ದ.

* ಶಿಶುಕಾಮಿಯಾಗಿದ್ದ ಈತ 700ಕ್ಕೂ ಹೆಚ್ಚು ಬಾಲಕಿಯರನ್ನು ಗುರಿಯನ್ನಾಗಿಸಿ ಅತ್ಯಾಚಾರ, ಲೈಂಗಿಕ ದೌರ್ಜನ್ಯವೆಸಗಿದ್ದಾನೆ. ಈತನಿಂದ ಅತ್ಯಾಚಾರಕ್ಕೊಳಗಾದವರು 7 ರಿಂದ 11 ವರ್ಷದೊಳಗಿನವರಾಗಿದ್ದಾರೆ.

*ಶಾಲೆ ಆಯ್ಕೆ ಮಾಡಿ ಹೆಣ್ಣುಮಕ್ಕಳ ಪಟ್ಟಿ ತಯಾರಿ, ಆ ಹೆಣ್ಣು ಮಕ್ಕಳ ಮಾಹಿತಿ ಕಲೆ ಹಾಕಿ ಜೇಬಿನಲ್ಲಿಟ್ಟುಕೊಳ್ಳುತ್ತಿದ್ದ. 

*ಕಳೆದ 13 ವರ್ಷಗಳಿಂದ ಈತ ನಿರಂತರವಾಗಿ ಬಾಲೆಯರ ಮೇಲೆ ಅತ್ಯಾಚಾರವೆಸಿದ್ದಾನೆ.

*ವೃತ್ತಿಯಲ್ಲಿ ಟೇಲರ್ ಆಗಿರುವ ಈತ ಇಬ್ಬರು ಹೆಣ್ಣುಮಕ್ಕಳು ಸೇರಿದಂತೆ ಐವರು ಮಕ್ಕಳ ತಂದೆ.

*ಶಾಲೆಯಿಂದ ಮನೆಗೆ ತೆರಳುವ ಮಾರ್ಗ ಮಧ್ಯೆ ಬಾಲಕಿಯರನ್ನು ನಾನು ನಿಮ್ಮ ತಂದೆ ಸ್ನೇಹಿತ. ಅವರು ನಿಮಗೆ ಬಟ್ಟೆ, ತಿಂಡಿ ಕಳುಹಿಸಿದ್ದಾರೆ ಎಂದು ಪುಸಲಾಯಿಸಿಕೊಂಡು ಕರೆದುಕೊಂಡು ಹೋಗಿ ನಿರ್ಜನ ಪ್ರದೇಶದಲ್ಲಿ ಅತ್ಯಾಚಾರವೆಸಗುತ್ತಿದ್ದ.

* ಪ್ರತಿ ಬಲಿಗೂ ಹೊಸ ಬಟ್ಟೆಯನ್ನಗೊಂಡ ಒಂದು ಪಾರ್ಸಲ್ ತರುತ್ತಿದ್ದ. ತಾನು ಮತ್ತೆ ಏನೇನೋ ತಂದಿದ್ದೇನೆ ಎಂದು ಕರೆದೊಯ್ಯುತ್ತಿದ್ದ.

* 2 ಗಂಟೆಯಿಂದ ನಾಲ್ಕು ಗಂಟೆಯ ನಡುವೆ ಒಂಟಿಯಾಗಿ ಹೋಗುತ್ತಿದ್ದ ಬಾಲಕಿಯರನ್ನು ತನ್ನ ಬಲಿಯಾಗಿ ಆಯ್ಕೆ ಮಾಡಿಕೊಳ್ಳುತ್ತಿದ್ದ. 

*ಕೇವಲ ದೆಹಲಿಯಲ್ಲಲ್ಲ ಉತ್ತರ ಪ್ರದೇಶ, ಉತ್ತರಾಖಂಡದಲ್ಲು ಕೂಡ ಮಕ್ಕಳ ಮೇಲೆ ದೌರ್ಜನ್ಯವೆಸಗಿದ್ದಾನೆ.

*ತನ್ನ ತಪ್ಪನ್ನು ಒಪ್ಪಿಕೊಂಡಿರುವ ಆರೋಪಿ ಬಾಲಕಿಯರ ಮೇಲೆ ಅತ್ಯಾಚಾರವೆಸಗಿ ಲೈಂಗಿಕ ತೃಪ್ತಿ ಪಡೆಯುತ್ತಿದ್ದೆ ಎಂದು ಪಶ್ಚಾತಾಪವಿಲ್ಲದೆ ನಡಿಯುತ್ತಾನೆ.

ಕಳೆದ 13 ವರ್ಷಗಳಿಂದ ಈ ರೀತಿಯ ಹೀನಾಯ ಕೃತ್ಯ ನಡೆಸುತ್ತಿದ್ದರೂ ಅದ್ಯಾವುದೂ ಬೆಳಕಿಗೆ ಬಂದಿರಲಿಲ್ಲ. ಕೆಲ ದಿನಗಳ ಹಿಂದೆ ಎರಡು ಗಂಟೆಗಳ ಅವಧಿಯಲ್ಲಿ ಈತ ಎರಡು ಬಾಲೆಯರನ್ನು ಅಪಹರಿಸಿದ್ದ. ಈ ಮಕ್ಕಳು ನೀಡಿದ ಮಾಹಿತಿಯ ಮೇರೆಗೆ ಈತನ ಪೆನ್ಸಿಲ್ ಸ್ಕೆಚ್ ತಯಾರಿಸಿ ಬಂಧನಕ್ಕೆ ವಿಶೇಷ ತಂಡವನ್ನು ರಚಿಸಲಾಗಿತ್ತು. ಕೊನೆಗೂ ಈತ ಪೊಲೀಸರ ಬಲೆಗೆ ಬಿದ್ದಿದ್ದು ರಾಷ್ಟ್ರ ರಾಜಧಾನಿಯ ಪೋಷಕರು ನಿರಾಳರಾಗಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.