ಅಜಿತ್ ಶಶಿಕಲಾ ರಹಸ್ಯ ಭೇಟಿ?

ತಮಿಳುನಾಡು ರಾಜಕೀಯ ದಿನದಿಂದ ದಿನಕ್ಕೆ ಹೊಸ ಹೊಸ ಟ್ವಿಸ್ಟ್ ಪಡೆಯುತ್ತಿದೆ. ಸೋಮವಾರ ರಾತ್ರಿ ನಟ ಅಜಿತ್ ಕುಮಾರ್ ಜಯಲಲಿತಾ ಆಪ್ತೆ  ಶಶಿಕಲಾ ಅವರನ್ನು ರಹಸ್ಯವಾಗಿ ಪೋಯಸ್ ಗಾರ್ಡನ್‌ನಲ್ಲಿ ಭೇಟಿಯಾಗಿದ್ದಾರೆ ಎಂದು ಹೇಳಲಾಗುತ್ತಿದ್ದು ಜನರಲ್ಲಿ ಮತ್ತಷ್ಟು ಕುತೂಹಲವನ್ನು ಕೆರಳಿಸಿದೆ. 

ಕಳೆದ ಕೆಲ ದಿನಗಳಿಂದ ಅಜಿತ್ ಬಲ್ಗೇರಿಯಾದಲ್ಲಿ ಚಿತ್ರೀಕರಣದಲ್ಲಿ ವ್ಯಸ್ತರಾಗಿದ್ದು, ಕ್ರಿಸ್ಮಸ್ ಆಚರಣೆಗಾಗಿ ಕಳೆದವಾರವಷ್ಟೇ ಚೆನ್ನೈಗೆ ಆಗಮಿಸಿದ್ದರು. ಬಿಡುವಿನ ಮಧ್ಯೆ ಅವರು ನಿನ್ನೆ ಶಶಿಕಲಾ ಅವರನ್ನು ಭೇಟಿಯಾಗಿದ್ದಾರೆ ಎಂದು ಬಲ್ಲ ಮೂಲಗಳು ತಿಳಿಸಿವೆ.

ತಮಿಳುನಾಡು ಮುಖ್ಯಮಂತ್ರಿ ಜಯಾ ಅವರ ಉತ್ತರಾಧಿಕಾರಿ ಯಾರೆಂಬ ರೇಸ್‌ನಲ್ಲಿ ಅಜಿತ್ ಹೆಸರು ಕೂಡ ಆಗಾಗ ಪ್ರಸ್ತಾಪವಾಗುತ್ತಿರುತ್ತದೆ. ಅದಕ್ಕೆ ಪೂರಕವಾಗಿ ಜಯಾ ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ಘಟಾನುಘಟಿಗಳಿಗೆ ಅವರನ್ನು ನೋಡಲು ಅನುಮತಿ ದೊರೆಯದಿದ್ದರೂ ಅಜಿತ್‌ ಅವರನ್ನು ಮಾತ್ರ ಯಾರು ಕೂಡ ತಡೆದಿರಲಿಲ್ಲ. ಇವೆಲ್ಲ ಹಿನ್ನೆಲೆಗಳಿಂದ ಶಶಿಕಲಾ- ಅಜಿತ್ ಭೇಟಿ ಬಹಳಷ್ಟು ಊಹಾಪೋಹಗಳನ್ನು ಸೃಷ್ಟಿಸಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.