ಮದ್ಯದ ಅಮಲಿನಲ್ಲಿ ತಾಯಿಯ ಮೇಲೆ ಇಂತಹ ನೀಚ ಕಾರ್ಯ ಎಸಗಿದ ಮಗ

ಬರೇಲಿ : ಮದ್ಯದ ಅಮಲಿನಲ್ಲಿ 40 ವರ್ಷದ ಮಗ 80 ವರ್ಷದ  ತಾಯಿಯ ಮೇಲೆ ಮಾನಭಂಗ ಎಸಗಿದ ಘಟನೆ ಉತ್ತರಪ್ರದೇಶದ ಲಖಿಂಪುರ್ ಖೇರಿ ಜಿಲ್ಲೆಯ ಮೊಹಮ್ಮದಿ ಪ್ರದೇಶದಲ್ಲಿ ನಡೆದಿದೆ.

ಕುಡಿದು ತಡರಾತ್ರಿ ರಾತ್ರಿ ಮನೆಗೆ ಬಂದ ಆರೋಪಿ ತನ್ನ 12 ವರ್ಷದ ಮಗಳ ಪಕ್ಕ ಮಲಗಿದ್ದ ತಾಯಿಯನ್ನು ಬಲವಂತವಾಗಿ ಮಾನಭಂಗ ಮಾಡಿದ್ದಾರೆ. ಆಗ ಶಬ್ದ ಕೇಳಿ ಪಕ್ಕದಲ್ಲಿ ಮಲಗಿದ್ದ ಮಗಳು ಹೊರಗೆ ಹೋಗಿ ಸ್ಥಳೀಯರಿಗೆ ಮಾಹಿತಿ ನೀಡಿದ್ದಾಳೆ.

ಸ್ಥಳೀಯರು ಸಂತ್ರಸ್ತೆಯ ಹಿರಿಯ ಮಗನಿಗೆ ನಡೆದ ವಿಚಾರ ತಿಳಿಸಿದ ಹಿನ್ನಲೆಯಲ್ಲಿ ಆತ ಪೊಲಿಸರಿಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಯನ್ನು ಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ.