ಶೂಟಿಂಗ್ ವೇಳೆ ಸಂಭವಿಸಿದ ಅಪಘಾತ: ಶಾರುಖ್‌ ಖಾನ್‌ ಜಸ್ಟ್ ಎಸ್ಕೇಪ್

ಮುಂಬೈ: ಹೊಸ ಚಿತ್ರದ ಶೂಟಿಂಗ್‌ ವೇಳೆ ಸಂಭವಿಸಿದ ಅಪಘಾತದಲ್ಲಿ ಬಾಲಿವುಡ್‌ ಸೂಪರ್‌ ಸ್ಟಾರ್‌ ಶಾರುಖ್‌ ಖಾನ್‌ ಅವರು ಕೂದಲೆಳೆ ಅಂತರದಿಂದ ಪಾರಾಗಿದ್ದಾರೆ.

ಆನಂದ್‌ ಎಲ್‌ ರಾಯ್‌ ಅವರ ಚಿತ್ರದ ಶೂಟಿಂಗ್‌ನಲ್ಲಿ ಸಂಭವಿಸಿದ ಅವಘಡದಲ್ಲಿ  ಯಾವುದೇ ಗಾಯಗಳಿಲ್ಲದೆ ಕೂದಲೆಳೆಯ ಅಂತರದಲ್ಲಿ ಪಾರಾಗಿದ್ದಾರೆ. ಹಾಗಾಗಿ ಶಾರುಖ್‌ ಅಭಿಮಾನಿಗಳು ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಗಿದೆ. 

ಶಾರುಖ್‌ ಖಾನ್‌ ಅವರು ಶೂಟಿಂಗ್‌ಗೆ ಸಿದ್ಧರಾಗಿ ಕುಳಿತಿದ್ದ ಸ್ಥಳದ ಮುಂಭಾಗದಲ್ಲೇ ಸೂರೊಂದರ ದೊಡ್ಡ ಭಾಗ ಕುಸಿದು ಬಿದ್ದಿದೆ. ಶಾರುಖ್‌ ಕೂದಲೆಳೆಯ ಅಂತರದಲ್ಲಿ ಪಾರಾದರು; ಆದರೆ ಶೂಟಿಂಗ್‌ ಸಿಬಂದಿಗಳಿಬ್ಬರು ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.