ಹೋಟೆಲ್`ನಲ್ಲಿ ಮಹಿಳಾ ಉದ್ಯೋಗಿಯ ಸೀರೆ ಎಳೆಯಲು ಯತ್ನ..!

ಫೈವ್ ಸ್ಟಾರ್ ಹೋಟೆಲ್ ಸೆಕ್ಯೂರಿಟಿ ಮ್ಯಾನೇಜರ್ ಒಬ್ಬ ಕೆಳಹಂತದ ಮಹಿಳಾ ಉದ್ಯೋಗಿಯ ಸೀರೆ ಎಳೆದು ಅಪಮಾನ ಎಸಗಿರುವ ಘಟನೆ ನವದೆಹಲಿಯಲ್ಲಿ ನಡೆದಿದೆ.

ಏರ್`ಪೋರ್ಟ್ ಬಳಿ ಪ್ರೈಡ್ ಫ್ಲಾಜಾ ಹೋಟೆಲ್`ನಲ್ಲಿ ಈ ಘಟನೆ ನಡೆದಿದ್ದು, ಸಿಸಿಟಿಯಲ್ಲಿ ವಿಡಿಯೋ ರೆಕಾರ್ಡ್ ಆಗಿದ್ದು, ಸುದ್ದಿವಾಹಿನಿಗಳು ಪ್ರಸಾರ ಮಾಡಿವೆ. ಸುದ್ದಿ ವಾಹಿನಿಗಳಲ್ಲಿ ವಿಡಿಯೋ ಪ್ರತ್ಯಕ್ಷವಾಗುತ್ತಿದ್ದಂತೆ ಮ್ಯಾನೇಜರನ್ನ ಉದ್ಯೋಗದಿಂದ ವಜಾ ಮಾಡಲಾಗಿದೆ. ವಿಪರ್ಯಾಸವೆಂದರೆ ಲೈಂಗಿಕ ಕಿರುಕುಳಕ್ಕೊಳಗಾದ 33 ವರ್ಷದ ಮಹಿಳಾ ಉದ್ಯೋಗಿಯನ್ನೂ ಕೆಲಸದಿಂದ ವಜಾ ಮಾಡಲಾಗಿದೆ.

ಅಷ್ಟೇ ಅಲ್ಲ, ಕೆಲಸ ಮುಗಿಸಿ ಮನೆಗೆ ಹೊರಟಿದ್ದ ಮಹಿಳೆಯನ್ನ ಕೈಹಿಡಿದು ಎಳೆದಾಡಿದ್ದು, ಕಾರಿಗೆ ಕೂರಿಸಿಕೊಳ್ಳಲು ಯತ್ನಿಸಿದ ಆರೋಪವೂ ಕೇಳಿಬಂದಿದೆ. ಕಾಮುಕ ಮ್ಯಾನೇಜರ್`ನನ್ನ ಇದೀಗ ಬಂಧಿಸಲಾಗಿದೆ.
ಅತಿಥಿ ವ್ಯವಹಾರಗಳ ವಿಭಾಗದಲ್ಲಿ ನಿನ್ನೆ ಈ ಮಹಿಳೆ ಕೆಲಸಕ್ಕೆ ಹೋದಾಗ ಎಚ್ ಆರ್ ಭೇಟಿ ಮಾಡುವಂತೆ ಸೂಚಿಸಲಾಗಿದೆ. 40 ನಿಮಿಷ ಕಾದ ಬಳಿಕ ಕೆಲದಿಂದ ವಜಾ ಮಾಡಿರುವ ಪತ್ರ ನೀಡಲಾಗಿದೆ. ಜೊತೆಗೆ ಆಕೆಗೆ ಸಿಸಿಟಿವಿ ವಿಡಿಯೋ ಕೊಟ್ಟ ಉದ್ಯೋಗಿಯನ್ನೂ ಕೆಲಸದಿಂದ ವಜಾ ಮಾಡಲಾಗಿದೆ.

ಜೂನ್ 29ರಂದು ನನ್ನ ಹುಟ್ಟುಹಬ್ಬವಿತ್ತು. ಅವತ್ತು ನನ್ನನ್ನ ಕ್ಯಾಬಿನ್`ಗೆ ಕರೆದ ಮ್ಯಾನೇಜರ್, ಕ್ರೆಡಿಟ್ ಕಾರ್ಡ್ ತೋರಿಸಿ ನಿನಗೆ ಏನು ಗಿಫ್ಟ್ ಬೇಕು ಎಮದು ಕೇಳಿದ. ಕುಳಿತುಕೊಳ್ಳಲು ತ್ತಾಯಿಸಿದ. ನಾನು ಕುಳಿತುಕೊಳ್ಳಲು ಒಪ್ಪದಿದ್ದಾಗ ನನ್ನನ್ನ ಎಳೆದು ಸೀರೆ ಸೆಳೆಯಲು ಪ್ರಯತ್ನಿಸಿದ. ಬಳಿಕ ಬೇರೆ ಉದ್ಯೋಗಿಗಳನ್ನ ಹೊರ ಹೋಗಲು ತಿಳಿಸಿದ.ರಾತ್ರಿ ಹೋಟೆಲ್`ನಲ್ಲಿ ಅವನ ಜೊತೆ ಕಳೆಯುವಂತೆ ಪೀಡಿಸಿದ ಎಂದು ಮಹಿಳೆ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ