ಸೆಲ್ಫಿ ಹುಚ್ಚಿಗೆ 7 ಮಂದಿ ನೀರುಪಾಲು

ಸೆಲ್ಫಿ ತೆಗೆದುಕೊಳ್ಳುವ ಹುಚ್ಚಿನಲ್ಲಿ 7 ವಿದ್ಯಾರ್ಥಿಗಳು ಗಂಗಾ ನದಿ ಪಾಲಾದ ಹೃದಯವಿದ್ರಾವಕ ಘಟನೆ ಕಾನ್ಪುರದಲ್ಲಿ ನಡೆದಿದೆ.

ಭಾರಿ ಮಳೆಯ ಬಳಿಕ 10 ವಿದ್ಯಾರ್ಥಿಗಳು ಗಂಗಾ ಬ್ಯಾರೇಜ್‌ಗೆ ಈಜಾಡಲು ಹೋದಾಗ ಈ ದುರ್ಘಟನೆ ನಡೆದಿದೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ 7 ಜನರಲ್ಲಿ 19 ವರ್ಷದ ಯುವಕ ಶಿವಂ ಸ್ನಾನ ಮಾಡುವಾಗ ಸೆಲ್ಫಿ ಕ್ಲಿಕ್ಕಿಸಲು ಪ್ರಯತ್ನಿಸಿದ್ದಾನೆ. ಆ ಸಂದರ್ಭದಲ್ಲಿ ಕಾಲು ಜಾರಿ ಗಂಗಾ ಬ್ಯಾರೆಜ್‌‌‌ಗೆ ಬಿದ್ದಿದ್ದಾನೆ. ಆತ ನೀರಿನಲ್ಲಿ ಮುಳುಗತೊಡಗಿದಾಗ ಆತನನ್ನು ರಕ್ಷಿಸಲು ಒಬ್ಬರ ಹಿಂದೆ ಒಬ್ಬರು ನೀರಿಗೆ ಜಿಗಿದಿದ್ದಾರೆ.  ಆದರೆ ಯಾರೂ ನೀರಿನಿಂದ ಮೇಲೆಳಲಾಗಲಿಲ್ಲ. 7 ಜನ ಸಹ ತಮ್ಮ ಪ್ರಾಣವನ್ನು ಕಳೆದುಕೊಂಡಿದ್ದಾರೆ. ಸಾವನ್ನಪ್ಪಿದವರಲ್ಲಿ ಹೆಚ್ಚಿನವರು 20ರ ಆಸುಪಾಸು ವಯಸ್ಸಿನವರಾಗಿದ್ದಾರೆ.

ಸ್ಥಳೀಯ ಮೀನುಗಾರರ ಸಹಾಯದಿಂದ ಘಟನೆ ನಡೆದ ಎರಡು ಗಂಟೆಗಳೊಳಗೆ ಮೃತ ವಿದ್ಯಾರ್ಥಿಗಳ ಮೃತದೇಹವನ್ನು ಮೇಲಕ್ಕೆ ಎತ್ತಲಾಗಿದ್ದು, ಮೃತರನ್ನು ಮಕ್ಸೂದ್(31), ಭೋಲಾ(16), ಸತ್ಯಂ(24) ಸಚಿನ್ ಗುಪ್ತಾ(21), ಭೋಲು ತಿವಾರಿ(20), ರೋಹಿತ್(20), ಶಿವಂ(19),  ಎಂದು ಗುರುತಿಸಲಾಗಿದೆ. 

ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆಯನ್ನು ಆರಂಭಿಸಿದ್ದಾರೆ. 

ಮುಂಬೈನಲ್ಲಿ ಕಳೆದ ಜನೇವರಿ ತಿಂಗಳಲ್ಲಿ ಇದೇ ರೀತಿಯ ಘಟನೆ ನಡೆದು ಮೂವರು ವಿದ್ಯಾರ್ಥಿನಿಯರು ನೀರು ಪಾಲಾಗಿದ್ದರು.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.