2ನೇ ಪತ್ನಿಯೊಂದಿಗೆ ಹನಿಮೂನ್‌ಗೆ ಹೋದ ಪತಿ, ಮನೆಗೆ ಬೆಂಕಿಯಿಟ್ಟ ಮೊದಲ ಪತ್ನಿ

ಪತಿಮಹಾಶಯ ಎರಡನೇ ಪತ್ನಿಯೊಂದಿಗೆ ಹನಿಮೂನ್‌ಗೆ ತೆರಳಿದ ಮಾಹಿತಿ ತಿಳಿದ ಮೊದಲ ಪತ್ನಿ ಮನೆಗೆ ಬೆಂಕಿಯಿಟ್ಟು ಸಂಪೂರ್ಣವಾಗಿ ಧ್ವಂಸಗೊಳಿಸಿದ ಘಟನೆ ವರದಿಯಾಗಿದೆ   

ಆರು ಮಕ್ಕಳ ತಾಯಿಯಾಗಿ 10 ವರ್ಷಗಳ ದಾಂಪತ್ಯ ಜೀವನ ನಡೆಸಿದ್ದ ಮೊದಲ ಪತ್ನಿ, ತನ್ನ ಮೊಬೈಲ್‌ಗೆ ಪತಿಮಹಾಶಯ ಸಂದೇಶ ರವಾನಿಸಿ ತಾನು ಎರಡನೇ ಮದುವೆಯಾಗಿದ್ದು ಹನಿಮೂನ್‌ಗೆ ವಿದೇಶಕ್ಕೆ ತೆರಳಿದ್ದಾಗಿ ಮಾಹಿತಿ ನೀಡಿದ್ದಾನೆ. 

ಪತಿಯ ಸಂದೇಶ ಕಂಡು ಕೆಂಡಾಮಂಡಲವಾದ ಪತ್ನಿ, ಕೋಪದ ಭರದಲ್ಲಿ ಮನೆಗೆ ಬೆಂಕಿಹಚ್ಚಿದ್ದಾಳೆ. ಆದರೆ, ಬೆಂಕಿಯ ಕೆನ್ನಾಲಿಗೆ ಮಿತಿ ಮೀರುತ್ತಿದ್ದಂತೆ ನೆರೆಹೊರೆಯವರನ್ನು ಸಹಾಯಕ್ಕಾಗಿ ಕರೆದಿದ್ದಾಳೆ ಎಂದು ಸೌದಿ ನ್ಯೂಸ್ ವೆಬ್‌ಸೈಟ್ ಅಲ್-,ಸದಾ ವರದಿ ಮಾಡಿದೆ.

ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಬೆಂಕಿಯನ್ನು ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಘಟನೆಯಲ್ಲಿ ಐದು ವರ್ಷದ ಮಗುವಿಗೆ ಗಂಭೀರವಾಗಿ ಗಾಯಗಳಾಗಿವೆ. ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ

ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.