ನವದೆಹಲಿ: ನಾವು ನೀವು ರಿಕ್ಷಾದಲ್ಲಿ ಓಡಾಡುವಾಗ ರಿಕ್ಷಾ ಡ್ರೈವರ್ ಜತೆ ಬಾಡಿಗೆಗಾಗಿ ಕಿತ್ತಾಡಿದ ಘಟನೆಗಳು ಎಷ್ಟೋ ನಡೆದಿರಬಹುದು. ಆದರೆ ಹೀಗೇ ಕೇವಲ 5 ರೂ. ಗಾಗಿ ಕಾದಾಡಿದ ಇಬ್ಬರು ರಿಕ್ಷಾ ಡ್ರೈವರ್ ಗೇ ಚಾಕು ಹಾಕಿದ ಘಟನೆ ರಾಷ್ಟ್ರ ರಾಜಧಾನಿಯಲ್ಲಿ ನಡೆದಿದೆ.
ಆರೋಪಿಗಳು ಕುಡಿದ ಮತ್ತಿನಲ್ಲಿದ್ದ ಎಂಬುದು ಗಮನಿಸಬೇಕಾದ ಅಂಶ. ಟಾಂಗಾ ರಿಕ್ಷಾ ಹತ್ತಿದವರು ನವದೆಹಲಿಯ ರೈಲ್ವೇ ಸ್ಟೇಷನ್ ಬಳಿ ಬಿಡಲು 20 ರೂ. ಕೊಡುವುದಾಗಿ ಒಪ್ಪಿಕೊಂಡಿದ್ದರು. ಆದರೆ ತನ್ನ ನಿಲ್ದಾಣ ತಲುಪಿದ ಮೇಲೆ ತಗಾದೆ ತೆಗೆದರು.
20 ರೂ. ಬದಲು 15 ರೂ. ನೀಡಿದ್ದರು. ಇನ್ನುಳಿದ 5 ರೂ.ಗಾಗಿ ಡ್ರೈವರ್ ಮತ್ತು ಆರೋಪಿ ಪ್ರಯಾಣಿಕರ ನಡುವೆ ಕಿತ್ತಾಟವೇ ನಡೆದಿದೆ. ಇದೇ ಕಿತ್ತಾಟದ ಭರದಲ್ಲಿ ಆರೋಪಿ ರಿಕ್ಷಾ ಡ್ರೈವರ್ ನ ಕುತ್ತಿಗೆ ಸೀಳಿದ್ದಾರೆ. ಇದೀಗ ಡ್ರೈವರ್ ನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.