ಕಾರು ಕೊಡಲು ನಿರಾಕರಿಸಿದ್ದರಿಂದ ಪತ್ನಿಗೆ ತಲಾಕ್ ನೀಡಿದ ಪತಿ ಮಹಾಶಯ

ವಿವಾಹದ ಸಂಭ್ರಮದಲ್ಲಿದ್ದ ಯುವತಿಯ ಸಂತೋಷ ಕೆಲವೇ ಗಂಟೆಗಳಲ್ಲಿ ದುಖಃದ ಕಡಲಲ್ಲಿ ಮುಳುಗಿಸಿತು. ಪತ್ನಿಯ ಪೋಷಕರು ಕಾರು ಕೊಡಲು ನಿರಾಕರಿಸಿದ್ದಾರೆ ಎನ್ನುವ ಕೋಪದಿಂದಾಗಿ ಪತಿ, ತನ್ನ ಪತ್ನಿಗೆ ಮೂರು ಬಾರಿ ತಲಾಕ್ ಘೋಷಿಸಿದ ಘಟನೆ ವರದಿಯಾಗಿದೆ. 

ಬಾಗಪತ್‌ನ ದೋಹಾ ಗ್ರಾಮದಲ್ಲಿ ಮೊಹಸಿನಾ ಎನ್ನುವ ವಿವಾಹ ಮೊಹಮ್ಮದ್ ಆರೀಫ್ ಎಂಬಾತನೊಂದಿಗೆ ನಡೆದಿತ್ತು. ವರನಿಗೆ ನೀಡಬೇಕಾದ ಎಲ್ಲಾ ವಸ್ತುಗಳನ್ನು ನೀಡಲಾಗಿತ್ತು. ಆದರೆ, ವರದಕ್ಷಿಣೆ ರೂಪದಲ್ಲಿ ಕಾರು ನೀಡಲಿಲ್ಲ ಎನ್ನುವ ಕಾರಣಕ್ಕೆ ವರ ಕೋಪಗೊಂಡಿದ್ದನು ಎನ್ನಲಾಗಿದೆ.

ವಿವಾಹವಾದ ಕೆಲವೇ ಗಂಟೆಗಳಲ್ಲಿ ಪತಿ ಮೊಹಮ್ಮದ್ ಆರೀಫ್ ತಲಾಕ್ ನೀಡಿದ್ದರಿಂದ ಕಂಗಾಲಾದ ಮೊಹಸಿನಾ, ತನ್ನ ತವರು ಮನಗೆ ವಾಪಸಾಗಿದ್ದಳು. ಉಭಯ ಕುಟುಂಬದವರು ಚರ್ಚಿಸಿದರೂ ಪರಿಹಾರ ದೊರೆಯದಿದ್ದಾಗ ಪಂಚಾಯತಿಯ ಮೊರೆಹೋಗಿದ್ದಾರೆ.

ಮೊಹಮ್ಮದ್ ಆರೀಫ್ ತನ್ನ ಬೇಡಿಕೆ ಈಡೇರಿಸಲೇಬೇಕು ಎಂದು ಹಟ ಹಿಡಿದಿದ್ದಾನೆ. ನಂತರ ಹಿರಿಯರ ಒತ್ತಡಕ್ಕೆ ಮಣಿದು ಮನೆಗೆ ಬರುವಂತೆ ಪತ್ನಿಯನ್ನು ಕರೆದಿದ್ದಾನೆ. ಆದರೆ, ಮೊಹಸೀನಾ ಪತಿಯ ಮನೆಗೆ ತೆರಳಲು ನಿರಾಕರಿಸಿದ್ದಾಳೆ.

ಮೊಹಮ್ಮದ್ ಆರೀಫ್‌ನಂತಹ ಕಟುಕನ ಕೈಯಲ್ಲಿ ಬಾಳುವುದಕ್ಕಿಂತ ಆತನಿಂದ ದೂರವಾಗಿರುವ ಮೊಹಸಿನ್ ನಿರ್ಧಾರ ಸೂಕ್ತವಾಗಿದೆ ಎಂದು ಪಂಚಾಯಿತಿ ಅಭಿಪ್ರಾಯಪಟ್ಟಿದೆ.

ಮೊಹಮ್ಮದ್ ಆರೀಫ್, ಮಹಿಳೆಯ ಕುಟುಂಬಕ್ಕೆ 2.25 ಲಕ್ಷ ರೂಪಾಯಿಗಳನ್ನು ಪರಿಹಾರವಾಗಿ ಪಾವತಿಸಬೇಕು ಮತ್ತು ಮೂರು ವರ್ಷಗಳ ಕಾಲ ವಿವಾಹವಾಗದಂತೆ ನಿಷೇಧ ಹೇರಿ ಪಂಚಾಯತಿ ತೀರ್ಪು ನೀಡಿದೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.