ಗೇಮರ್‌ಗಳ ಜತೆ ಆಟವಾಡಿ ಸಂವಾದ ನಡೆಸಿದ ಪ್ರಧಾನಿ ಮೋದಿ

Photo Courtesy X

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ಗೇಮಿಂಗ್ ಉದ್ಯಮದಲ್ಲಿ ತೊಡಗಿಸಿಕೊಂಡಿರುವ ಭಾರತದ ಪ್ರಮುಖ ಯುವ ಆಟಗಾರರನ್ನು ಭೇಟಿಯಾಗಿ ಮಾತುಕತೆ ನಡೆಸಿದರು.

ಈ ಬಗ್ಗೆ ಬಿಜೆಪಿ ಐಟಿ ವಿಭಾಗದ ಮುಖ್ಯಸ್ಥ ಅಮಿತ್ ಮಾಳವಿಯಾ ತಿಳಿಸಿದ್ದಾರೆ.

ಈ ಕುರಿತು ಎಕ್ಸ್ ಖಾತೆಯಲ್ಲಿ ಕಿರು ವಿಡಿಯೊ ತುಣುಕಿನೊಂದಿಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಪ್ರಧಾನಿ ಮೋದಿ ಅವರು ಗೇಮಿಂಗ್ ಕ್ಷೇತ್ರದಲ್ಲಿ ಹೊಸ ಬೆಳವಣಿಗೆ ಕುರಿತ ಚರ್ಚೆಯ ಜತೆಗೆ ಕೇಂದ್ರದ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಈ ಕ್ಷೇತ್ರದಲ್ಲಿ ಆಗಿರುವ ಬದಲಾವಣೆ, ಕೌಶಲಭರಿತ ಗೇಮರ್‌ಗಳಿಂದ ಉದ್ಯಮದ ಬೆಳವಣಿಗೆ ಮೂಲಕ ಆಗುತ್ತಿರುವ ಲಾಭದ ಕುರಿತೂ ಚರ್ಚೆ ನಡೆಸಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.

ಗೇಮರ್‌ಗಳು ಈ ವೇಳೆ ಜೂಜು ಮತ್ತು ಗೇಮಿಂಗ್‌ ನಡುವಿನ ವ್ಯತ್ಯಾಸ ಕುರಿತು ಹೇಳಿಕೊಂಡರು.

ಮೋದಿ ಜತೆಗಿನ ಸಂವಾದದಲ್ಲಿ  ಭಾರತದ ಮುಂಚೂಣಿಯ ಗೇಮರ್‌ಗಳಾದ ತೀರ್ಥ್‌ ಮೆಹ್ತಾ, ಪಾಯಲ್ ಧಾರೆ, ಅನಿಮೇಶ್ ಅಗರವಾಲ್, ಅನ್ಶು ಬಿಷ್ತ್, ನಮನ್ ಮಾಥೂರ್, ಮಿಥಿಲೇಶ್ ಪಠಾಣಕರ್, ಗಣೇಶ ಗಂಗಾಧರ ಅವರು ಪಾಲ್ಗೊಂಡರು.