ಸಿಎಂ ಸಲಹೆಗಾರ ಪ್ರಶಾಂತ್ ಕಿಶೋರ್‌ ದೀರ್ಘ ಕಾಲ ಗೈರು, ವಜಾ ಮಾಡಿ: ಬಿಜೆಪಿ

ರಾಜ್ಯದ ಮುನ್ನೋಟದ ದಾಖಲೆ ಸಿದ್ದಪಡಿಸಲು ಬಿಹಾರ ಸರ್ಕಾರ ನಿಯೋಜಿಸಿದ ಚುನಾವಣೆ ರಣತಂತ್ರಜ್ಞ ಪ್ರಶಾಂತ್ ಕಿಶೋರ್ ಅವರ ಸುದೀರ್ಘ ಗೈರುಹಾಜರಿಯನ್ನು ಬಿಜೆಪಿ ಪ್ರಶ್ನಿಸಿದ್ದು, ಮುಖ್ಯಮಂತ್ರಿ ಸಲಹೆಗಾರ ಹುದ್ದೆಯಿಂದ ತೆಗೆಯಬೇಕೆಂದು ಕೋರಿದೆ.

ಬಿಹಾರ್ 2015 ಮುನ್ನೋಟದ ದಾಖಲೆ ಸಿದ್ಧಪಡಿಸಲು ಬಿಹಾರ ಸರ್ಕಾರ ಅವರ ಸಿಟಿಜನ್ ಅಲೈಯನ್ಸ್ ಪ್ರೈ. ಲಿ ಸಂಸ್ಥೆಗೆ 9.31 ಕೋಟಿ ರೂ. ಪಾವತಿಸಿತ್ತು. ಆದರೆ ಕಿಶೋರ್ ಉತ್ತರಪ್ರದೇಶ ಮತ್ತು ಪಂಜಾಬ್‌ನಲ್ಲಿ ಕಾಂಗ್ರೆಸ್ ಚುನಾವಣೆ ಕಾರ್ಯತಂತ್ರ ಕುರಿತು ಕಾಲವ್ಯಯ ಮಾಡಿದ್ದಾರೆಂದು ಬಿಜೆಪಿ ನಾಯಕ ಸುಶೀಲ್ ಕುಮಾರ್ ಮೋದಿ ಆರೋಪಿಸಿದರು. 

ರಾಜ್ಯದ ಮುನ್ನೋಟ ದಾಖಲೆ ಸಿದ್ಧಪಡಿಸಲು 9.31 ಕೋಟಿ ಪಡೆದ ಬಳಿಕ ಕಿಶೋರ್ ದಾಖಲೆಯನ್ನು ಸಿದ್ಧಪಡಿಸಿಲ್ಲ ಅಥವಾ ಸಿಎಂ ಸಲಹೆಗಾರರಾಗಿ ಕರ್ತವ್ಯವನ್ನು ನಿಯೋಜಿಸಿಲ್ಲ ಎಂದು ಮೋದಿ ದೂರಿದರು.