ಪಕ್ಷದ ನೂತನ ಪ್ರಧಾನ ಕಾರ್ಯಾಲಯಕ್ಕೆ ಮೋದಿ ಅಡಿಗಲ್ಲು

ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಸಹಯೋಗದಲ್ಲಿ ಪ್ರಧಾನಿ ಅವರು ಗುರುವಾರ ಪಕ್ಷನೂತನ ಪ್ರಧಾನ ಕಾರ್ಯಾಲಯಕ್ಕೆ ಅಡಿಗಲ್ಲನಿಟ್ಟು ಭೂಮಿ ಪೂಜೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಜನನಿಬಿಡ ಐಟಿಓ ತಿರುವು ಜಂಕ್ಸನ್‌ನ ಬಳಿಯ ದೀನ್ ದಯಾಳ್ ಉಪಾಧ್ಯಾಯ ಮಾರ್ಗದ ಬಳಿ ಇರುವ 2 ಎಕರೆ ನಿವೇಶನದಲ್ಲಿ ಈ ಕಟ್ಟಡವನ್ನು ನಿರ್ಮಿಸಲಾಗುತ್ತಿದೆ. 

ಹೊಸ ಕಟ್ಟಡ ವೈ-ಫೈ, ನೆಲಮಹಡಿ ಪಾರ್ಕಿಂಗ್, ಸಮ್ಮೇಳನ ಕೊಠಡಿ, ಮಾಧ್ಯಮ ಸೌಲಭ್ಯ , ತಿನಿಸುಗಳು , ಸ್ಟುಡಿಯೋ ,ಗ್ರಂಥಾಲಯ , ಓದುವ ಕೋಣೆ ಸೇರಿದಂತೆ ಇತರ ಸೌಲಭ್ಯಗಳನ್ನು  ಹೊಂದಿರುತ್ತದೆ.

2019ರಲ್ಲಿ ಲೋಕಸಭಾ ಚುನಾವಣೆಗೆ ಪೂರ್ವದಲ್ಲಿ ಈ ಕಟ್ಟಡ ನಿರ್ಮಾಣವಾಗುವ ಸಾಧ್ಯತೆಗಳಿವೆ. ಪಕ್ಷದ ಚಟುವಟಿಕೆಗಳು ವಿಸ್ತರಿಸುತ್ತಿರುವ ಹಿನ್ನೆಲೆಯಲ್ಲಿ ಅಶೋಕಾ ರಸ್ತೆಯಲ್ಲಿರುವ ಈಗಿನ ಕಚೇರಿ ಕಿರಿದಾಗುತ್ತಿದೆ ಎಂಬ ಹಿನ್ನೆಲೆಯಲ್ಲಿ ನೂತನ ಕಚೇರಿ ನಿರ್ಮಾಣಕ್ಕೆ ಚಾಲನೆ ನೀಡಲಾಗಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ .