ದಿನದಿಂದ ದಿನಕ್ಕೆ ಇಳಿಯುತ್ತಿದೆ ಪೆಟ್ರೋಲ್, ಡೀಸೆಲ್ ಬೆಲೆ

ನವದೆಹಲಿ : ಅಂತಾರಾಷ್ಟ್ರೀಯ ಕಚ್ಚಾತೈಲ ಬೆಲೆ ಇಳಿಕೆಯಾಗುತ್ತಿರುವ  ಹಿನ್ನೆಲೆಯಲ್ಲಿ ಇಂದು ಕೂಡ ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ ಇಳಿಕೆಯಾಗಿದೆ.

ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಪೆಟ್ರೋಲ್ ಬೆಲೆ ಲೀಟರ್ ಗೆ 40 ಪೈಸೆ ಇಳಿಕೆಯಾಗುವ ಮೂಲಕ 76.17 ರೂ.ಗಳಿಗೆ ಇಳಿದಿದೆ. ಡೀಸೆಲ್ ಬೆಲೆಯಲ್ಲೂ 42 ಪೈಸೆ ಇಳಿಕೆಯಾಗಿ 70.93 ರೂ.ಗೆ ಮಾರಾಟವಾಗುತ್ತಿದೆ. ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಇಂದಿನ ಪೆಟ್ರೋಲ್ ದರ 75.57 ರೂಪಾಯಿಯಾಗಿದ್ದರೆ, ಡೀಸೆಲ್ ದರ 70.56 ರೂಪಾಯಿಗಳಾಗಿದೆ.

ಮುಂಬೈನಲ್ಲಿ ಇಂದಿನ ಪೆಟ್ರೋಲ್ ದರ 81.10 ರೂಪಾಯಿಯಾಗಿದ್ದರೆ, ಡೀಸೆಲ್ ದರ 73.93 ರೂಪಾಯಿಗಳಾಗಿದೆ. ಚೆನ್ನೈ ಮಹಾನಗರದಲ್ಲಿ ಇಂದಿನ ಪೆಟ್ರೋಲ್ ದರ 78.46 ರೂಪಾಯಿಯಾಗಿದ್ದರೆ, ಡೀಸೆಲ್ ದರ 74.99 ರೂಪಾಯಿಗಳಾಗಿದೆ. ಹಾಗೂ ಕೋಲ್ಕತ್ತಾ ಮಹಾನಗರದಲ್ಲಿ ಇಂದಿನ ಪೆಟ್ರೋಲ್ ದರ 77.53 ರೂಪಾಯಿಯಾಗಿದ್ದರೆ, ಡೀಸೆಲ್ ದರ 72.83 ರೂಪಾಯಿಗಳಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.