ತಮಿಳುನಾಡು ರಾಜಕೀಯದಲ್ಲಿ ದಿನಕ್ಕೊಂದು ಬೆಳವಣಿಗೆಯಾಗುತ್ತಿದೆ. ಸಂಜೆ ದಿಢೀರ್ ಜಯಲಲಿತಾ ಸಮಾಧಿ ಬಳಿಗೆ ತೆರಳಿದ ಮಾಜಿ ಸಿಎಂ ಪನ್ನೀರ್ ಸೆಲ್ವಂ 45 ನಿಮಿಷಗಳ ಕಾಲ ಧ್ಯಾನ ಮಾಡಿದರು. ಬಳಿಕ ಮಾತನಾಡಿದ ಅವರು, ನನ್ನನ್ನ ನಿರಂತರವಾಗಿ ಅವಮಾನಿಸಲಾಯ್ತು ಮತ್ತು ಬಲವಂತವಾಗಿ ನನ್ನ.ರಾಜೀನಾಮೆ ಪಡೆಯಲಾಯ್ತು. ಶಶಿಕಲಾ ಬೆಂಬಲಿಗರಿಂದ ನನ್ನ ಮೇಲೆ ಒತ್ತಡವಿದೆ ಎಂದು ಕಣ್ಣೀರು ಹಾಕಿದ್ದಾರೆ.
ನಾನು ಸಿಎಂ ಆಗಿ ಮುಂದುವರೆಯುವುದು ಅಮ್ಮನ ಆಶಯವಾಗಿತ್ತು. ರಾಜ್ಯದ ಜನ ಮತ್ತು ಕಾರ್ಯಕರ್ತರನ್ನ ಉಳಿಸಬೇಕಿದೆ. ನಾನು ಕಾರ್ಯಕರ್ತರಿಗೆ ಕೆಲ ಸತ್ಯಗಳನ್ನ ಹೇಳಬೇಕೆಂದು ಅಮ್ಮನ ಆತ್ಮದಿಂದ ಪ್ರೇರಣೆಯಾಗಿದೆ. ನಾನು ರಾಜೀನಾಮೆ ಹಿಂಪಡೆದು ಸಿಎಂ ಆಗಿ ರಾಜ್ಯದ ಜನರ ಸೇವೆ ಮುಂದುವರೆಸಲು ಸಿದ್ಧನಿದ್ದೇನೆ ಎಂದಿದ್ದಾರೆ.
ಶಶಿಕಲಾ ಪದಗ್ರಹಣಕ್ಕೆ ಸಜ್ಜಾಗಿ ನಿಂತಿರುವ ಸಂದರ್ಭದಲ್ಲಿ ಪನ್ನೀರ್ ಸೆಲ್ವಂ ಬಂಡಾಯ ಎದ್ದಿರುವುದು ತಮಿಳುನಾಡಿನಲ್ಲಿ ಸಾಂವಿಧಾನಿಕ ಬಿಕ್ಕಟ್ಟು ಏರ್ಪಡುವ ಸಾಧ್ಯತೆ ಇದೆ.