ಅಪಾಯಕಾರಿ ಉಗ್ರ ಸಂಘಟನೆ ಐಸಿಸ್ ವಿರುದ್ಧ ಎಐಎಮ್ಐಎಮ್ ನಾಯಕ ಅಸಾದುದ್ದೀನ್ ಓವೈಸಿ ಮತ್ತೆ ಗುಡುಗಿದ್ದಾರೆ. ಹೈದರಾಬಾದ್‌ನಲ್ಲಿ ಪಕ್ಷದ ಕಾರ್ಯಾಲಯ ಆಯೋಜಿಸಿದ್ದ ಜಲ್ಸಾದಲ್ಲಿ ಮಾತನ್ನಾಡುತ್ತಿದ್ದ ಅವರು ಐಸಿಸ್ ಸಂಘಟನೆ ಉಗ್ರರು ನರಕದ ನಾಯಿಗಳು. ಅವರ ನಾಯಕರನ್ನು 100 ತುಂಡುಗಳಾಗಿ ಕತ್ತರಿಸಿ ಹಾಕಬೇಕು ಎಂದು ಕಿಡಿಕಾರಿದ್ದಾನೆ.
ಐಸಿಸ್ ಎನ್ನುವುದು ಸುಳ್ಳು. ಈ ಸೈನ್ಯ ರಚನೆಯಾಗಿರುವುದು ಕೇವಲ ನರಕದ ನಾಯಿಗಳಿಗಾಗಿ. ನೀವು ನಮ್ಮ ಕೈಗೆ ಸಿಕ್ಕಾಗ 100 ತುಂಡುಗಳಾಗಿ ಕತ್ತರಿಸಿ ಹಾಕುತ್ತೇವೆ. ನಿಮ್ಮ ಪ್ರೀತಿಪಾತ್ರರಿಗೆ ಎಲುಬು ಸಹ ಸಿಹುವುದಿಲ್ಲ ಎಂದು ಓವೈಸಿ ಎಚ್ಚರಿಕೆ ನೀಡಿದ್ದಾರೆ.
ಐಸಿಸ್ ಮನುಕುಲಕ್ಕೆ ಮಾರಕವಾಗಿದೆ. ಮುಸ್ಲಿಮ್‌ ಯುವಕರು ಇದರ ಬೋನಿಗೆ ಬೀಳಕೂಡದು. ಐಸಿಸ್ ಉಗ್ರರು ಇಸ್ಲಾಮ್‌ಗೆ ಸಂಬಂಧಿಸಿದವರೇ ಅಲ್ಲ. ಮುಸ್ಲಿಮರೆಲ್ಲರೂ ಒಗ್ಗೂಡಿ ಈ ಐಸಿಸ್ ಅನ್ನು ಕೊನೆಗೊಳಿಸಬೇಕು ಎಂದು ಅವರು ಕರೆ ನೀಡಿದ್ದಾರೆ.
ಇದೇ ಓವೈಸಿ ಕೆಲ ದಿನಗಳ ಹಿಂದೆ ಐಸಿಸ್ ಜತೆ ಸಂಪರ್ಕ ಹೊಂದಿದ್ದಾರೆ ಎಂಬ ಆರೋಪದ ಮೇಲೆ ಎನ್ಐಎಯಿಂದ ಬಂಧಿಸಲ್ಪಟ್ಟಿರುವ ಯುವಕರಿಗೆ ನಮ್ಮ ಪಕ್ಷ ಕಾನೂನಾತ್ಮಕ ಸಹಾಯ ಮಾಡಲು ಸಿದ್ಧ ಎಂದು ಹೇಳುವುದರ ಮೂಲಕ ವಿವಾದಕ್ಕೆ ಕಾರಣವಾಗಿದ್ದರು.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.