ನಿಮಗೆ ಗಂಡು ಮಗುವಿನ ಜನನವಾಗಿದೆ ಎಂದು ಹೇಳಿದ್ದ ಆಸ್ಪತ್ರೆ ಸಿಬ್ಬಂದಿ ಹೆಣ್ಣುಮಗುವನ್ನ ತಂದು ಕೈಗಿಟ್ಟರೆ ಏನಾಗಬೇಡ. ಇಂಥದ್ದೊಂದು ಘಟನೆ ನವದೆಹಲಿಯ ಸಫ್ಧಾರ್ ಜಂಗ್ ಆಸ್ಪತ್ರೆಯಲ್ಲಿ ನಡೆದಿದೆ ಎಂದು ಆರೋಪಿಸಲಾಗಿದೆ.
ಸೋನಿಯಾ ಪ್ರಜಾಪತಿ ಎಂಬ ಮಹಿಳೆ ಜೂನ್ 2ರಂದು ಸಫ್ಥಾರ್ ಜಂಗ್ ಆಸ್ಪತ್ರೆಯಲ್ಲಿ ಗಮಡು ಮಗುವಿಗೆ ಜನ್ಮ ನೀಡಿದ್ದಳು. ಆದರೆ, ಆಸ್ಪತ್ರೆ ಸಿಬ್ಬಂದಿ ಹೆಣ್ಣು ಮಗುವನ್ನ ನೀಡಿದ್ದಾರೆ ಎನ್ನಲಾಗಿದೆ. ಸದ್ಯ, ಡಿಎನ್`ಎ ಟೆಸ್ಟ್ ಕಳುಹಿಸಲಾಗಿದ್ದು, ವರದಿಗಾಗಿ ದಂಪತಿ ನಿರೀಕ್ಷಿಸುತ್ತಿದ್ದಾರೆ. ಆದರೆ, ಮಗು ಬದಲಾವಣೆ ಆರೋಪ ನಿರಾಕರಿಸಿರುವ ಆಸ್ಪತ್ರೆಯ ಆಡಳಿತ ಮಂಡಳಿ ಡಿಎನ್`ಎ ವರದಿ ತಮ್ಮ ಪರವಾಗಿಯೇ ಬರಲಿದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
`ನನ್ನದು ನಾರ್ಮಲ್ ಡೆಲಿವರಿ ನಾನು ಗಂಡು ಮಗುವಿಗೇ ಜನ್ಮ ನೀಡಿದ್ದೇನೆ. ವೈದ್ಯರು ನನಗೆ ತೋರಿಸಿದ್ದಾರೆ. ನಾನು ಗಂಡೆಂದು ಹೇಳಿದಾಗ ಓಟಿಯಲ್ಲಿದ್ದ ವೈದ್ಯರು ಮತ್ತು ಸಿಬ್ಬಂದಿ ನನಗೆ ತಿಳಿಹೇಳಬಹುದಿತ್ತು. ಆದರೆ, ಅವರು ಅದನ್ನ ಮಾಡಲಿಲ್ಲ. ಇದು ನಾನು ಗಂಡು ಮಗುವಿಗೆ ಜನ್ಮ ನೀಡಿದ್ದನ್ನ ಸಾಬೀತುಪಡಿಸುತ್ತಿದೆ ಎಂದು ಸೀನಿಯಾ ಹೇಳಿದ್ದಾರೆ.