ಎನ್‌ಡಿಎ ಕೂಟಕ್ಕೆ ಅಮ್ಮ?

ಜಯಲಲಿತಾ ನಾಯಕತ್ವದ ತಮಿಳುನಾಡಿನ ಆಡಳಿತಾರೂಢ ಎಐಡಿಎಂಕೆ ಬಿಜೆಪಿ ನೇತೃತ್ವದ ಎನ್‌ಡಿಎ ಮೈತ್ರಿಕೂಟದಲ್ಲಿ ಸೇರ್ಪಡೆಯಾಗಿ ಕೇಂದ್ರ ಸರ್ಕಾರಕ್ಕೆ ಹೊರಗಿನಿಂದ ಬೆಂಬಲ ನೀಡುವ ಸಾಧ್ಯತೆ ಇದೆ. ಹೀಗಾದಲ್ಲಿ ಎನ್‌ಡಿಎ ಮತ್ತಷ್ಟು ಬಲಗೊಳ್ಳುವುದಂತೂ ಸತ್ಯ. 

ಈ ನಡೆ ಆರಂಭಿಕ ಹಂತದಲ್ಲಿದ್ದು ತಮಿಳುನಾಡಿನ ಪ್ರಮುಖ ಪಕ್ಷದೊಂದಿಗಿನ ಮೈತ್ರಿಯನ್ನು ಬಿಜೆಪಿ ಮೂಲಗಳು ಸಹ ಅಲ್ಲಗಳೆಯುತ್ತಿಲ್ಲ. ಎಐಡಿಎಂಕೆ ಲೋಕಸಭೆಯಲ್ಲಿ 39 ಸಂಸದರನ್ನು ಮತ್ತು ರಾಜ್ಯಸಭೆಯಲ್ಲಿ 12 ಸದಸ್ಯರನ್ನು ಹೊಂದಿದ್ದು ಅವರೊಂದಿಗಿನ ಮೈತ್ರಿ ಜಿಎಸ್‌ಟಿ ಬಿಲ್ ಪಾಸ್ ಮಾಡಲು ಎನ್‌ಡಿಎಗೆ ನೆರವಾಗಬಹುದು. 

ಮುಂದಿನ ತಿಂಗಳ ಜಯಲಲಿತಾ ನವದೆಹಲಿಗೆ ಪ್ರಯಾಣ ಬೆಳಸಿ ಪ್ರಧಾನಿ ಮೋದಿಯವರನ್ನು ಭೇಟಿಯಾಗುವ ಸಾಧ್ಯತೆಗಳಿದ್ದು, ಎನ್‌ಡಿಎ ಜತೆಗೆ ತಾವು ಹೊಂದಲು ಇಚ್ಛಿಸುವ ಮೈತ್ರಿಯ ರೂಪದ ಬಗ್ಗೆ  ಸ್ಪಷ್ಟಪಡಿಸಲಿದ್ದಾರೆ. 

ಜಯಾ ಮೋದಿ ಸರ್ಕಾರದ ಭಾಗವಾಗುವುದಿಲ್ಲ ಎಂದು ಭಾವಿಸಲಾಗಿದೆ. ಆದರೆ ಈ ಕುರಿತು ತಮಗರಿವಿಲ್ಲವೆಂದು ಎಐಡಿಎಂಕೆ ಮೂಲಗಳು ತಿಳಿಸಿವೆ. ಪಕ್ಷದ ವರಿಷ್ಠೆ ಬಹಿರಂಗ ಪಡಿಸುವವರೆಗೂ ಅದು ಅವರಿಗೂ ಗುಟ್ಟಾಗಿಯೇ ಇರುವ ಸಾಧ್ಯತೆಗಳಿವೆ.  

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.