ಈದ್ ಮಿಲಾದ್‌ ಮೆರವಣಿಗೆಯಲ್ಲಿ ಕೋಮು ಸೌಹಾರ್ದತೆ ಮೆರೆದ ಮುಸ್ಲಿಂ ಬಾಂಧವರು, Viral Video

Photo Credit X

ತಿರುವನಂತಪುರಂ:  ಕಾಸರಗೋಡಿನ ಪಾಲಕುನ್ನು ಎಂಬಲ್ಲಿ ಕೊಟ್ಟಿಕುಲಂ ನೂರುಲ್ ಹುದಾ ಮದ್ರಸ ಆಯೋಜಿಸಿದ್ದ ಈದ್ ಮಿಲಾದ್ ರ್ಯಾಲಿ ವೇಳೆ ಮುಸ್ಲಿಂ ಬಾಂಧವರು ಅಲ್ಲಿನ ಕಜಕಂ ಭಗವತಿ ದೇವಸ್ಥಾನಕ್ಕೆ ಗೌರವ ಸಲ್ಲಿಸಿದರು. ಇದನ್ನು ಕಂಡ ಯುವಕನೊಬ್ಬ ಶನಿವಾರ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಪೋಸ್ಟ್ ಮಾಡಿದ್ದು, ಅದು ವೈರಲ್ ಆಗಿದ್ದು, ಒಂದು ದಿನದಲ್ಲಿ ಸುಮಾರು 20 ಲಕ್ಷ ಹಿಟ್ ಆಗಿದೆ.

ದೇವಸ್ಥಾನದ ಬಳಿಯಿರುವ ತಂದೆಯ ಅಂಗಡಿಯಲ್ಲಿದ್ದ ಪಾಲಕುನ್ನುವಿನ ಆರಟ್ಟುಕಡವು ನಿವಾಸಿ ಅನಿಶಿತ್ ಕೆ ಎಂಬವರು ವಿಡಿಯೋ ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ .

"ಇದು ಕೇರಳ. ಕೇರಳದ ವಿವಿಧತೆಯಲ್ಲಿ ಏಕತೆ - ನಬಿ ದಿನದಲ್ಲಿ ಹಿಂದೂ ದೇವಾಲಯಕ್ಕೆ ನಮಸ್ಕರಿಸುವ ಮುಸ್ಲಿಮರು, ಧರ್ಮಗಳ ನಡುವೆ ಗೌರವ ಮತ್ತು ಸೌಹಾರ್ದತೆ ತೋರುತ್ತಿದ್ದಾರೆ" ಎಂದು ಶೀರ್ಷಿಕೆ ನೀಡಿದ್ದಾರೆ.

ಓಣಂ ಹಬ್ಬ ಮತ್ತು ಪ್ರವಾದಿ ಮೊಹಮ್ಮದ್ ಅವರ ಜನ್ಮ ವಾರ್ಷಿಕೋತ್ಸವವನ್ನು ಗುರುತಿಸುವ ಈದ್-ಇ-ಮಿಲಾದ್, ಕಾಕತಾಳೀಯವಾಗಿ, ಕೇರಳದ ಹಲವಾರು ಭಾಗಗಳು ಕೋಮು ಸೌಹಾರ್ದತೆಯ ಇಂತಹ ನಿದರ್ಶನಗಳಿಗೆ ಸಾಕ್ಷಿಯಾಯಿತು. 

View this post on Instagram

A post shared by Anishith K (@anishith15__)

ಓಣಂ ಮತ್ತು ಈದ್-ಇ-ಮಿಲಾದ್ ಅಂಗವಾಗಿ ನಡೆದ ಮೆರವಣಿಗೆಗಳಲ್ಲಿ ಭಾಗವಹಿಸುವವರು ಅನೇಕ ಸ್ಥಳಗಳಲ್ಲಿ ಪರಸ್ಪರ ಶುಭಾಶಯ ಕೋರುವುದನ್ನು ಕಾಣಬಹುದು.<>