ಎಂಟಿಎಂಗಳಿಗೆ ಹಣವನ್ನು ಸಾಗಿಸುತ್ತಿರುವ ವಾಹನ ಚಾಲಕನೊಬ್ಬ 1.28 ಕೋಟಿ ರೂಪಾಯಿಗಳ ಹಣವನ್ನು ತೆಗೆದುಕೊಂಡು ಪರಾರಿಯಾಗಿದ್ದಾನೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಉತ್ತರಪ್ರದೇಶ ಮೂಲದ ವಾಹನ ಚಾಲಕ ಸಿಂಗ್, ಬ್ಯಾಂಕ್‌ನ ಇತರ ನಾಲ್ವರು ಸಿಬ್ಬಂದಿಗಳು ಸಿಯೋನ್-ಪನ್ವೇಲ್ ಹೆದ್ದಾರಿಯಲ್ಲಿರುವ ಎಟಿಎಂನಲ್ಲಿ ಹಣವನ್ನು ತುಂಬುತ್ತಿರುವ ಸಂದರ್ಭದಲ್ಲಿ, ವಾಹನ ಓಡಿಸಿಕೊಂಡು ಪರಾರಿಯಾಗಿದ್ದಾನೆ.
ವಾಹನ ಬ್ಯಾಂಕ್‌ನಿಂದ ಹೊರಟಾಗ ವಾಹನದಲ್ಲಿ 1.44 ಕೋಟಿ ರೂಪಾಯಿಗಳಿತ್ತು. ಸಿಯೋನ್-ಪನ್ವೇಲ್ ಹೆದ್ದಾರಿಯಲ್ಲಿರುವ ಎಟಿಎಂನಲ್ಲಿ ತುಂಬಲು 16 ಲಕ್ಷ ರೂಪಾಯಿಗಳನ್ನು ತೆಗೆದುಕೊಳ್ಳಲಾಗಿತ್ತು. ಉಳಿದ 1.28 ಕೋಟಿ ರೂಪಾಯಿಗಳು ವಾಹನದಲ್ಲಿತ್ತು. ಆರೋಪಿ ಚಾಲಕ ವಾಹನ ತೆಗೆದುಕೊಂಡು ಪರಾರಿಯಾಗಿದ್ದಾನೆ. ನಾಪತ್ತೆಯಾದ ವಾಹನ ಮಾತುಂಗಾ ಬಳಿ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರೋಪಿ ಚಾಲಕನ ಪತ್ತೆಗೆ ವಿಶೇ, ತಂಡಗಳನ್ನು ರಚಿಸಲಾಗಿದ್ದು, ಶೀಘ್ರದಲ್ಲಿಯೇ ಆತನನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಆಯುಕ್ತ ವಿನಯ್ ಕುಮಾರ್ ತಿಳಿಸಿದ್ದಾರೆ.
