ಭೀಕರ ಸಾಮೂಹಿಕ ಅತ್ಯಾಚಾರ; ಗುಪ್ತಾಂಗದಲ್ಲಿ ತುರುಕಿದರು ಕೋಲು, ಗನ್ ಬ್ಯಾರೆಲ್

17 ವರ್ಷದ ಬಾಲಕಿಯ ಮೇಲೆ 5 ಜನ ಸೇರಿ ಸಾಮೂಹಿಕ ಅತ್ಯಾಚಾರವೆಸಗಿದ್ದಲ್ಲದೇ ಆಕೆಯ ಗುಪ್ತಾಂಗದಲ್ಲಿ ಬಂದೂಕಿನ ನಳಿಕೆ, ಕೋಲು ತೂರಿಸಿದ ಹೇಯ ರಾಕ್ಷಸೀ ಕೃತ್ಯ ಉತ್ತರ ಬಿಹಾರದ ಪೂರ್ವ ಚಂಪಾರಣ್ಯ ಜಿಲ್ಲೆಯಲ್ಲಿ ನಡೆದಿದೆ. ಪರಿಣಾಮ ಆಕೆ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದಾಳೆ. 

ಆರೋಪಿಗಳಲ್ಲಿ ಒಬ್ಬ ಈ ತಿಂಗಳ ಆರಂಭದಲ್ಲಿ ಆಕೆಯ ಮೇಲೆ ಅತ್ಯಾಚಾರವೆಸಗಿದ್ದ. ಆಕೆಯ ಜತೆ ಜಗಳವಾಡಿದ್ದ ಬಾಲಕಿ ಪೊಲೀಸರಲ್ಲಿ ದೂರು ಕೂಡ ನೀಡಿದ್ದಳು. ಈ ಪ್ರತೀಕಾರಕ್ಕಾಗಿ ದುರುಳರು ಆಕೆಯ ಮೇಲೆ ಈ ಪರಿಯ ದೌರ್ಜನ್ಯವನ್ನು ಎಸಗಿದ್ದಾರೆ. 

ಪ್ರಸ್ತುತ ಗಂಭೀರ ಸ್ಥಿತಿಯಲ್ಲಿರುವ ಆಕೆಯನ್ನು ಆಸ್ಪತ್ರೆಗೆ ಸೇರಿಸಲಾಗಿದ್ದು, ಪೊಲೀಸರ ನಿರ್ಲಕ್ಷವೇ ಘಟನೆಗೆ ಕಾರಣ ಎಂದು ಪೀಡಿತಳ ತಾಯಿ ಕಿಡಿಕಾರಿದ್ದಾರೆ. 

ಪ್ರಮುಖ ಆರೋಪಿ ಸಮೀವುಲ್ಲ ಜೂನ್ 12 ರಂದು ಬಾಲಕಿಯನ್ನು ಅಪಹರಿಸಿ ಅತ್ಯಾಚಾರಗೈದಿದ್ದ. ತನ್ನ ಕುಕೃತ್ಯದ ವಿಡಿಯೋ ಚಿತ್ರೀಕರಿಸಿಕೊಂಡು ಆಕೆಗೆ ಬೆದರಿಕೆ ಹಾಕುತ್ತಿದ್ದ. ಆಕೆಯನ್ನು ಬೆದರಿಸಿ ಹಣ ಕೀಳಲು ಕರೆದಾಗ ಆಕೆ ಬ್ಲೇಡ್ ತೆಗೆದುಕೊಂಡು ಹೋಗಿದ್ದಳು. ಮತ್ತೆ ತನ್ನ ಮೇಲೆ ಅತ್ಯಾಚಾರವೆಸಗಲು ಯತ್ನಿಸಿದಾಗ ಆತನ ಗುಪ್ತಾಂಗದ ಮೇಲೆ ಬ್ಲೇಡ್‌ನಿಂದ ದಾಳಿ ನಡೆಸಿದ್ದಳು. 

ಘಟನೆಯಾದ ಕೆಲ ದಿನಗಳ ಬಳಿಕ ಬಾಲಕಿ ಮತ್ತು ತಾಯಿ ಪೊಲೀಸರಲ್ಲಿ ದೂರು ನೀಡಲು ಹೋದಾಗ ವೈದ್ಯಕೀಯ ಪರೀಕ್ಷೆಯನ್ನು ಮಾಡಿಸಲು ಒಪ್ಪಲಿಲ್ಲ, ಕೇವಲ ರೇಪ್ ಯತ್ನ ಪ್ರಕರಣವನ್ನು ದಾಖಲಿಸಿಕೊಂಡರು. ಆದರೆ ಯಾವುದೇ ಕ್ರಮವನ್ನು ಕೈಗೊಂಡಿರಲಿಲ್ಲ. 

ಆದರೆ ತನ್ನ ಮೇಲೆ ಬಾಲಕಿ ದಾಳಿ ನಡೆಸಿದ್ದುದಕ್ಕೆ ಮತ್ತು ಪೊಲೀಸರಲ್ಲಿ ದೂರು ನೀಡಿದ್ದಕ್ಕೆ ಕೋಪಗೊಂಡ ಆರೋಪಿ ಸಮೀವುಲ್ಲಾ ತನ್ನ ನಾಲ್ವರು ಸಂಬಂಧಿಕರೊಂದಿಗೆ ಆಕೆಯ ಮನೆಯ ಒಳಗೆ ನುಗ್ಗಿ ಹೊರಗೆಳೆದು ತಂದಿದ್ದಾನೆ. ಬಳಿಕ ಎಲ್ಲರೂ ಸೇರಿ ಸಾಮೂಹಿಕ ಅತ್ಯಾಚಾರವೆಸಗಿದ್ದಾರೆ. 

ಆರೋಪಿಗಳೆಲ್ಲ ಪರಾರಿಯಾಗಿದ್ದು ಅವರಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.