ಹೆತ್ತ ಮಗುವನ್ನೇ ನೀರಿನ ಬಕೆಟ್ ನಲ್ಲಿ ಮುಳುಗಿಸಿ ಕೊಂದ ತಾಯಿ

ನವದೆಹಲಿ: ಕಾಲ ಬದಲಾಗಿದೆ ಎಂಬ ಮಾತು ಇತ್ತೀಚೆಗೆ ಸತ್ಯವಾಗುತ್ತಿದೆ. ಮಕ್ಕಳು ಕೆಟ್ಟವರಿರುತ್ತಾರೆ ಆದರೆ ತಾಯಿ ಕೆಟ್ಟವಳು ಇರಲ್ಲ ಎಂಬ ಮಾತು ಕೂಡ ಈಗೀಗ ಸುಳ್ಳಾಗುತ್ತಿದೆ. ತಾಯಿಯೊಬ್ಬಳು ತಾನು ಹೆತ್ತ ಮಗುವನ್ನೇ ನೀರಿನ ಬಕೆಟ್ ನೊಳಗೆ ಮುಳಗಿಸಿ ಕೊಂದಿದ್ದಾಳೆ.

ದೆಹಲಿಯ ಹಜ್ರತ್ ನಿಜಾಮುದ್ದೀನ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ತನ್ನ ಕಷ್ಟಗಳಿಗೆಲ್ಲಾ ತಾನು ಹೆತ್ತ ಈ ಹೆಣ್ಣು ಮಗುವೇ ಕಾರಣವೆಂದು ಏಳು ತಿಂಗಳ ಎಳೆಗೂಸನ್ನು ತಾಯಿಯೇ ಬಕೆಟ್ ನಲ್ಲಿ ಮುಳುಗಿಸಿ ಸಾಯಿಸಿದ್ದಾಳೆ.

ಹೆಣ್ಣು ಮಗು ಹುಟ್ಟಿದ ಬಳಿಕ ಆರ್ಥಿಕ ಸಂಕಷ್ಟ ಹೆಚ್ಚಾಗಿದೆ. ಇದಕ್ಕೆಲ್ಲಾ ಮಗುವೇ ಕಾರಣವೆಂದು ಮಗುವಿನ ಕತ್ತಿಗೆ ದುಪ್ಪಟ್ಟದಿಂದ ಬಿಗಿದು, ಬಕೆಟ್ ನಲ್ಲಿ ಮುಳುಗಿಸಿ ಉಸಿರುಗಟ್ಟಿಸಿ ಸಾಯಿಸಿದ್ದಾಳೆ. ನಂತರ ಮಗು ಆಕಸ್ಮಿಕವಾಗಿ ಬಕೆಟ್ ಗೆ ಬಿದ್ದು ಸತ್ತಿದೆ ಎಂದು ಎಲ್ಲರ ಬಳಿ ಹೇಳಿದ್ದಾಳೆ. ಪೊಲೀಸರ ಬಳಿಯೂ ಇದನ್ನೇ ಹೇಳಿದ್ದಾಳೆ. ಆದರೆ ಮರಣೋತ್ತರ ಪರೀಕ್ಷೆ ನಂತರ ಸತ್ಯ ಬಯಲಾಗಿದೆ. ಆರೋಪಿ ಅದಿಬಾಳನ್ನು ಪೊಲೀಸರು ಬಂಧಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ