ಮೋದಿ ರಾಜೀನಾಮೆ ನೀಡಬೇಕು, ಸೇಡಿನ ರಾಜಕೀಯದಿಂದ ನಮ್ಮನ್ನು ತಡೆಯಲು ಸಾಧ್ಯವಿಲ್ಲ: ಮಮತಾ

ನೋಟು ನಿಷೇಧ ವಿಫಲತೆಯ ಹೊಣೆಗಾರಿಕೆಯನ್ನು ಹೊತ್ತು ಪ್ರಧಾನಮಂತ್ರಿ ನರೇಂದ್ರ ಮೋದಿ ಕೂಡಲೇ ದೇಶದ ಜನತೆಯ ಕ್ಷಮೆಯಾಚಿಸಿ ರಾಜೀನಾಮೆ ನೀಡಬೇಕು. ಸೇಡಿನ ರಾಜಕೀಯ ಮಾಡುತ್ತಿರುವ ಮೋದಿಗೆ ತಾಕತ್ತಿದ್ರೆ ಟಿಎಂಸಿ ಪಕ್ಷದ ಎಲ್ಲಾ ಸಂಸದರನ್ನು ಬಂಧಿಸಲಿ ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸವಾಲ್ ಹಾಕಿದ್ದಾರೆ.

ನೋಟು ನಿಷೇಧಗೊಳಿಸಿದ 50 ದಿನಗಳ ನಂತರವೂ ಸಾಮಾನ್ಯ ಜನರ ಸಂಕಷ್ಟ ದೂರ ಮಾಡದ ಹಿನ್ನೆಲೆಯಲ್ಲಿ ಕೂಡಲೇ ಪ್ರಧಾನಿ ಮೋದಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಸಚಿವಾಲಯದಲ್ಲಿ ಕರೆದ ಸುದ್ದಿಗೋಷ್ಠಿಯಲ್ಲಿ ಒತ್ತಾಯಿಸಿದ್ದಾರೆ.

ರೋಸ್ ವ್ಯಾಲಿ ಚಿಟ್ ಫಂಡ್ ಹಗರಣದಲ್ಲಿ ಭಾಗಿಯಾಗಿದ್ದಾರೆ ಎಂದು ಆರೋಪಿಸಿ ಟಿಎಂಸಿ ಪಕ್ಷದ ಸಂಸದ ತಾಪಸ್ ಪಾಲ್ ಅವರನ್ನು ಸಿಬಿಐ ಬಂಧಿಸಿದ ಹಿನ್ನೆಲೆಯಲ್ಲಿ ಆಕ್ರೋಶಗೊಂಡ ಮಮತಾ, ಪ್ರಧಾನಿ ಮೋದಿ ಎಲ್ಲಾ ಸಂಸದರನ್ನು ಬಂಧಿಸಬಹುದು ನಾನು ಕೇರ್ ಮಾಡುವುದಿಲ್ಲ. ಇದು ಕೇವಲ ಸೇಡಿನ ರಾಜಕೀಯ. ನೋಟು ನಿಷೇಧ ವಿರುದ್ಧದ ಹೋರಾಟ ಮುಂದುವರಿಯಲಿದೆ ಎಂದು ಗುಡುಗಿದ್ದಾರೆ. 

ನೋಟು ನಿಷೇಧ ವಿರುದ್ಧದ ಹೋರಾಟ ಮಾಡುತ್ತಿರುವುದರಿಂದ ಸಿಬಿಐ ನಮ್ಮ ಪಕ್ಷದ ಸಂಸದರನ್ನು ಬಂಧಿಸಿದೆ ಎನ್ನುವುದು ನನಗೆ ಗೊತ್ತಾಗಿದೆ. ಇದು ಕೇವಲ ಸೇಡಿನ ರಾಜಕೀಯ ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಕಿಡಿಕಾರಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.