ಮೋದಿ ಎದೆ 56 ಇಂಚ್‌ನಿಂದ 100ಕ್ಕೆ ಹಿಗ್ಗಿದೆ

ಸರ್ಜಿಕಲ್ ಸ್ಟ್ರೈಕ್ ನಡೆಸಿದ ಬಳಿಕ ಪ್ರಧಾನಿ ನರೇಂದ್ರ ಮೋದಿ ಎದೆ 56 ಇಂಚ್‌ನಿಂದ 100ಇಂಚ್‌ಗೆ ಹಿಗ್ಗಿದೆ ಎಂದು ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ವರ್ಣಿಸಿದ್ದಾರೆ.

ಎಂಎಸ್ಎಂಇ ಸಮಾವೇಶದ ಉದ್ಘಾಟನಾ ಸಮಾರಂಭದಲ್ಲಿ ಮಾತನ್ನಾಡುತ್ತಿದ್ದ ಅವರು, ಸೀಮಿತ ದಾಳಿ ಹಿನ್ನೆಲೆಯಲ್ಲಿ ಪ್ರಧಾನಿಯನ್ನು ಹಾಡಿ ಹೊಗಳಿದರು. ನಮ್ಮ ಸೈನಿಕರು ಪಾಕ್ ಆಕ್ರಮಿತ ಕಾಶ್ಮೀರದ ಒಳಕ್ಕೆ ನುಗ್ಗಿ ಉಗ್ರರ ರುಂಡ ಚೆಂಡಾಡಿದ ಬಳಿಕ ಪ್ರಧಾನಿ ಎದೆ 56 ಇಂಚ್ ಆಗಿ ಉಳಿದಿಲ್ಲ, ಅದು 100 ಇಂಚ್‌ಗೆ ಹಿಗ್ಗಿದೆ ಎಂದಿದ್ದಾರೆ. 

ನಮ್ಮ ಬೆಳವಣಿಗೆ ದರ ಚೀನಾಗಿಂತ ಹೆಚ್ಚಿದೆ. ಇತ್ತೀಚಿನ ಕೆಲ ಬೆಳವಣಿಗೆಗಳು ಭಾರತದ ಶಕ್ತಿಯನ್ನು ತೋರಿಸಿಕೊಟ್ಟಿವೆ. ಸೀಮಿತ ದಾಳಿಯಲ್ಲಿ ಯಶಸ್ಸು ಸಾಧಿಸಿದ ನಮ್ಮ ಸೇನಾಪಡೆಗೆ ಅಭಿನಂದನೆಗಳು. ಪ್ರಧಾನಿಯವರಿಗೂ ಶುಭಾಶಯಗಳು. ಈಗ ನಿಮ್ಮ ಎದೆ 56 ಇಂಚ್ ಆಗಿ ಉಳಿದಿಲ್ಲ. ಅದು 100 ಇಂಚ್‌ಗೆ ಹಿಗ್ಗಿದೆ ಎಂದು ಅವರು ಹೇಳಿದ್ದಾರೆ. 

ನವಭಾರತ ಉದಯಿಸುತ್ತಿದೆ. ಮಧ್ಯಪ್ರದೇಶ ಕೂಡ ದೇಶದ ಬೆಳವಣಿಗೆಯಲ್ಲಿ ತನ್ನ ಪಾತ್ರವನ್ನು ನಿರ್ವಹಿಸುತ್ತಿದೆ ಎಂದಿದ್ದಾರೆ ಸಿಂಗ್.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ