ನವದೆಹಲಿ: ನರೇಂದ್ರ ಮೋದಿ ಅವರ ಹೆಸರನ್ನು ಸಂಸದೀಯ ನಾಯಕರಾಗಿ ಹಿರಿಯ ಮುಖಂಡ ಅಡ್ವಾಣಿ ಸೂಚಿಸಿದ ಬಳಿಕ ಮೋದಿ ಹೆಸರನ್ನು ಇತರರು ಅನುಮೋದಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಮೋದಿ ಅಡ್ವಾಣಿ ಅವರ ಮಾತನ್ನು ನೆನೆಸಿಕೊಂಡು ಒಂದು ಕ್ಷಣ ಭಾವುಕರಾಗಿ ತಲೆ ತಗ್ಗಿಸಿದರು.
ನರೇಂದ್ರ ಮೋದಿ ಕೃಪೆಯಿಂದ ಈ ಅವಕಾಶ ನಮಗೆ ದೊರೆತಿದೆ ಎಂದು ಅಡ್ವಾಣಿ ತಮ್ಮ ಮಾತಿನಲ್ಲಿ ಹೇಳಿದ್ದನ್ನು ನೆನಪಿಸಿಕೊಂಡ ಮೋದಿ ಒಂದು ಕ್ಷಣ ಭಾವುಕರಾಗಿ ತಲೆ ಬಗ್ಗಿಸಿದರು. ನಂತರ ಸ್ವಲ್ಪ ನೀರು ಕುಡಿದು, ' ಅಡ್ವಾಣಿ ಆ ಮಾತನ್ನು ಉಪಯೋಗಿಸಬಾರದು.
ಬಿಜೆಪಿ ನನ್ನ ತಾಯಿಯಿದ್ದಂತೆ, ತಾಯಿಯ ಸೇವೆಯನ್ನು ಮಾಡುವುದು ಕೃಪೆಯಲ್ಲ ಎಂದು ನುಡಿದರು. ಮೋದಿಯ ಹೇಳಿಕೆಗೆ ಸಂಸದರು ಮೇಜು ಕುಟ್ಟಿ ಹರ್ಷ ವ್ಯಕ್ತಪಡಿಸಿದರು. ಅಡ್ವಾಣಿ ಕೂಡ ಒಂದು ಕ್ಷಣ ಭಾವುಕರಾದರು.
