ಬಿಜೆಪಿ ಶಾಸಕ ಪತ್ನಿಗೆ ಉಡುಗೊರೆ ನೀಡಿದ ಲಾಂಬೊರ್ಗಿನಿ ಕಾರು ಆಟೊಗೆ ಡಿಕ್ಕಿ(ವಿಡಿಯೊ)

ತಮ್ಮ ಪತ್ನಿಯ ಹುಟ್ಟುಹಬ್ಬವಾದ ಆಗಸ್ಟ್ 26ರಂದು ಬಿಜೆಪಿ ಶಾಸಕ ನರೇಂದ್ರ ಮೆಹ್ತಾ ಪತ್ನಿಗೆ ಲಾಂಬೋರ್ಗಿನಿ ಸ್ಫೋರ್ಟ್ಸ್ ಕಾರನ್ನು ಉಡುಗೊರೆಯಾಗಿ ನೀಡಿದ್ದರು. ಆದರೆ ಆ ಕಾರು ಮೀರಾ ಬಾಯಂದರ್ ರಸ್ತೆಯಲ್ಲಿ  ನಿಂತಿದ್ದ ಆಟೋವೊಂದಕ್ಕೆ ಡಿಕ್ಕಿ ಹೊಡೆದು ಇಬ್ಬರು, ಮೂವರು ಪಾದಚಾರಿಗಳಿಗೆ ಡಿಕ್ಕಿ ಹೊಡೆಯುವುದು ಸ್ವಲ್ಪದರಲ್ಲಿ ತಪ್ಪಿತು.

ಪೊಲೀಸ್ ದೂರು ಇನ್ನೂ ನೀಡಿಲ್ಲವಾದರೂ ಅಪಘಾತದ ವಿಡಿಯೊ ವೈರಲ್ ಆಗಿದೆ. ಕಾರಿನ ಚಾಲಕರು ಯಾರೆಂಬುದು ತಿಳಿದುಬಂದಿಲ್ಲ. ಕೆಲವು ಪ್ರತ್ಯಕ್ಷದರ್ಶಿಗಳು ಮೆಹ್ತಾ ಪತ್ನಿ ಸುಮನ್ ಕಾರನ್ನು ಚಲಾಯಿಸುತ್ತಿದ್ದರೆಂದು ಹೇಳಿದ್ದಾರೆ.

ಕಿತ್ತಳೆ ಬಣ್ಣದ ಕಾರು ಆಟೊಗೆ ಡಿಕ್ಕಿ ಹೊಡೆದ ಕೂಡ ಆಟೊದ ದಿಕ್ಕು ಬದಲಾಗಿತ್ತು. ಶಾಲೆಯ ಹೊರಗೆ ಈ ಅಪಘಾತ ಸಂಭವಿಸಿದೆ. ಹಿಂಭಾಗದಲ್ಲಿ ಕುಳಿತಿದ್ದ ಬಾಲಕನೊಬ್ಬ ಕಾರಿನಿಂದ ಕೆಳಕ್ಕಿಳಿದ. ಕಾರು ತಮ್ಮತ್ತ ಧಾವಿಸುವುದನ್ನು ನೋಡಿ ಇಬ್ಬರು ಮಹಿಳಾ ಪಾದಚಾರಿಗಳು ಓಡಿಹೋಗಿದ್ದರು. ಅನೇಕ ವಾಹನಸವಾರರು ದಿಗ್ಭ್ರಮೆಯಿಂದ ಈ ಘಟನೆಯನ್ನು ನೋಡಿದರು.